晨早夜話(20)誠哥的網開一面
作者 : 湯文亮2019年9月14日
瀏覽人次 : 16092    回應 : 6
晨早夜話(20)誠哥的網開一面
 
湯文亮博士
紀惠集團行政總裁
2019年9月14日

  中秋節晚上尚算平靜,大家拖下手仔,玩下鐳射筆,全晚只得幾個人被拉,不幸中大幸,而且大家玩得夜,今日唔記得替機場做壓力測試,昨晚晚飯時,老婆問點解官媒評擊誠哥,話誠哥叫政府網開一面,而誠哥自己當日又唔對那些嘉湖山莊買家網開一面,我唔好意思同老婆講,當日有嘉湖山莊炒家在誠哥面前露械,所以誠哥决不網開一面,不過這是道聽途說,作不得凖。

  我認為今次的風波是錯在誠哥冇膽,佢唔應該提議誠哥講網開一面,而是講網開一寸,漁夫知道,如果網開一面,那些在網內最強的魚就有機會游走,而網開一寸,代表那些小魚有逃生機會,我唔知道誠哥真正的意思,如果他叫政府放過那些搞手或者暴力示威者,他用網開一面是沒有錯,但如果是放過一些年輕又不知乜頭乜路的示威者,應該用網開一寸,說到底,誠哥講嘢很玄,大家知道猜測。

1. 十一哥 2019-09-15 12:24
十X哥講…偈、放魚毛…大魚…擒王放賊。

3. 香港人 2019-09-15 13:50
地產商吸盡香港人的血汁錢,幾時有對香港人留點良心?
4. 過路人 2019-09-15 18:49
吸血鬼做善事,只是想吸更多的血。
5. 望東樓 2019-09-15 20:26
傳說中有個一指禪師,係人請教佢都會俾一隻手指回答,結果人人話佢係神仙。不過今時今日用呢樣招就梗係食中指啦。
6. 真真薯片 2019-09-16 11:04
就咁睇電視既畫面,似乎被捕既主要係黑衫裡面既弱者,例如十零歲靚仔,或少女等跑得慢,反抗力弱既黑衫,對警察黎講,呢班人易拉,用後追數刷拘捕數字非常好,但係最勇猛暴力放火掟磚果批就捉得好少,最勁果批打得狠,走得快,警察衝埋黎之前已經走晒,賴低d弱者比警察拉,結果係警察交到靚靚數字,但暴力黑衫實力未有減弱,而拉埋晒d弱者,少女,路過師奶同花生街坊,對警察形象唔好,警察必須要變策略,標靶式鎖定最暴力既中堅份子去拉,重新建立正義之師既形象,先可以贏到中間派支持
8. To 6 2019-09-16 11:30
片哥, 要解決你所提及嘅情況, 要出到狙擊手遠距離快速癱瘓襲擊者, 問題係可能全世界都唔會有治安單位咁樣做. 那麼, 其實可能你要問一問點解咁多盲毛青年參與, 因為如果冇左盲毛同塘邊鶴, 就拉果幾個是很容易。在唔為盲毛搶佔道德高地的前提下, 只能相信佢地相信一班人搞搞震冇咁易被拉, 結果總有幾個被拉, 成為良民的污點。
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。