買倫交所,有買貴,冇買錯
作者 : 湯文亮2019年9月13日
瀏覽人次 : 17718    回應 : 55
買倫交所,有買貴,冇買錯
 
湯文亮博士
紀惠集團行政總裁
2019年9月13日

  星期三下午網傳特首在股市收市後開記者會,答應網民四大訴求,有網民話,算林鄭識時務,如果唔答應,當晚就會天火焚城,而股市亦因為這個消息而急升接近500點。我認為如果消息屬實,股市不但不會大升,而且會大跌,因為其中一個訴求是設立獨立調查委員會來調查警隊在這三個月應付暴力示威時有沒有用過分武力,如果政府答應這個訴求,警隊當晚一定會放棄執法,天火焚城的確是有機會發生,如果國家唔想香港天火焚城,唯有動用基本法第18條派解放軍入城,結果唔需要我講。

  其實,當日令股市急升的好消息還有很多,在我來說,特朗普的起心肝炒了那個鷹王之王博爾頓是最好消息,沒有博爾頓阻頭阻勢,中美貿易應有機會暫停,其次是政府第一次提及《蒙面法》,老實說,此法一出,那些勇武者立刻會變成和理非,最後是政府強行收地,將公屋上樓年期由六年下降至三年,解決了房屋問題,民怨都會減少一些,原來全部人都跌了眼鏡,股市收市後港交所發公告表示向倫交所提交了收購建議,一時之間,所有投資者都目瞪口呆,這算不算是蛇吞象,大家拭目以待。

  港交所收購倫交所的消息傳出了之後,立刻有評論員話以溢價22%收購,而且市盈率倫交所以港交所高得多,對港交所的股票持有人不利,小股未必會答應。有記者問我關於這個問題,我話今次收購,可以用「有買貴,冇買錯」來形容,如果唔俾超乎想像溢價,倫交所又怎會割愛出譲讓,如果用地產例子解釋,港交所是一個單邊舖,而倫交所是單邊舖隔離,如果由單邊舖的業主買下,就變成了一隻大單邊舖,價值以及租金收入就會大幅提升,類似這樣的情況我已經做過很多次,所以,我不認為李小加做了一個錯誤決定,就算現在大家覺得他的買價太高,亦只不過是「有買貴,冇買錯」。

1. 十一哥 2019-09-13 11:32
唔通真係…必不exit…十一哥都仲係堅信 !
2. 鳥5 2019-09-13 11:58
係買貴 ,不過真係冇錯.... 十一哥, 可否詳盡。真係唔明,必不exit
3. 自我陶醉 2019-09-13 12:00
唔好開心得太早,人哋肯賣俾你先算喇!  年初的話還有一半機會,現在? 我估九成.......泡湯

哈哈哈!
4. 鳥5 2019-09-13 12:00
兩大家族畀人打劫( 土地持有人)... 在下早輪都講啦 
未上車千祈唔好上車 出年好大鑊
5. 鳥5 2019-09-13 12:02
3F, 煲湯就未必,不過一時話得,一時話唔得
 玩阿龜邊就一定
6. 鳥5 2019-09-13 12:03
不過隻嘢就偏貴啦... 點玩都係偏貴
7. 鳥5 2019-09-13 12:18
一時話得。一時話唔得。炒上炒落。。 如果最後唔得咪話(唔使買貴嘢),跟住升再派番畀你囉。。 如果得 佢低位賣曬貨。大戶利益最大化喇。。 李益源於波幅
8. 鳥5 2019-09-13 12:20
更正低位溝曬平貨... 玩名開十三張
9. 鳥5 2019-09-13 12:24
大戶係唔會玩yes or no... 50 50% 遊戲
10. 貴公子 2019-09-13 12:37
小加用羅密歐與茱麗葉形容單交易, 可能佢無睇過整個故事, 結局最終是一場悲劇...
11. 十郎 2019-09-13 13:01


      結婚沖喜下 , 贊成 、擁護、好辦法。

12. 十一哥 2019-09-13 14:17
雀仔   其實十一哥一向斷估㗎、必exit係因為當年難民潮辣起、班友到咗EU仲硬係要扎喺法國隧道口要操過去揾事頭婆、當年英帝幾好景…計過哂數~必exit~唔洗比EU班友過幾棟…難民行路過到EU、必exit咗…去投靠英帝就游水有難度、今時唔同往日…難民潮靜咗、因為發咗誓~必exit~攪到自己荷包弱咗…同愛/蘇又計唔掂數嘈哂交、不過發誓冇限制…可以發過誓啫…必不exit~十一哥就係咁諗出嚟嘅…冇論據…冇論點…冇論述…乜論都冇 !

13. 家丁 2019-09-13 14:52
趁港英危急之秋,
要殺退10月期指沽空!


14. 鳥5 2019-09-13 14:57
十一哥, 呢個消息 ,其實利好英國。 不論價是否偏高 簡單啲講英國係唔係好想賤賣。。。 咁就大家明。。
15. 鳥5 2019-09-13 14:58
十一哥,咁我就唔講太白。。。
16. 十郎 2019-09-13 15:24


      買完又有理由集資 , 夾錢啦。

17. 鳥5 2019-09-13 17:04
十哥,大家見過啦。。今日。 政府強推空置稅五%。。 地板商會話會導致客仔個人信貸違約。。。 林鄭話同你攬炒, 抆棚。。 擺到明。。。 十哥你就爽啦。。。
18. 鳥5 2019-09-13 17:08
林鄭 犧牲自己完成房屋政策。 諗埋地產商一齊瓜。5玩過压。。
19. 鳥5 2019-09-13 17:14
93000件,每件5%一年。 夠薑你坐。。 企業融資最少升5至10%。。。 點玩到死
20. 鳥5 2019-09-13 17:29
半年內牛鬼蛇神一鋪過
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。