茶餐廳亂話(468)結業是因為請不到人
作者 : 湯文亮2019年2月9日
瀏覽人次 : 14635    回應 : 11
茶餐廳亂話(468)結業是因為請不到人
 
湯文亮博士
紀惠集團行政總裁
2019年2月9日

  傍晚跑完步去到茶餐廳,見到太子在水吧工作,我覺得很奇怪,因為太子去年初在另一個社區開了一間茶餐廳,由於駕輕就熟的緣故,生意據說是不俗,點解今日又會在水吧工作,唔通業主狂加租,照理飲食業第一張租約,最少都有5年,業主都唔可以加租,水吧見到我一面懷疑,知道我的問題,自己話由於請唔到人,但並不是請唔到廚房水吧,而是請唔到清潔洗碗,搞到佢自己經常要落手落腳去做,做了大半年,成個人散晒,剛好有朋友想頂了來做,又唔介意做清潔洗碗工作,於是一拍即合,做了年多,算是打過和,不過就無端端做了大半年洗碗工人,其實長此下去,香港政府若果不放寬外勞,冇人會願意做生意,但政府受到政治壓力,連提出來討論也不敢。

  太子講的是事實,有時候我的租客被迫結業,我問他們是否生意唔好,佢哋話唔係,有些租客甚至話生意太好,但請唔到人,做到自己死下死下,最後結業收場,連累到在職人士失業,雖然那些人很快就會搵到工作,薪水可能比以前還要多,所以,在職人士很少支持輸入勞工,不過終有一日,他們就會嚐到惡果,輸入外勞,對香港人不利,不輸入外勞,對香港不利,大家想一想。

1. 真真薯片 2019-02-09 19:13
成日話高人工都請唔到人洗碗,真係去茶餐廳洗下就知,無錯係萬五蚊,但係要返足7日,一日十幾個鐘,最大鑊係香港茶記生意超火爆,一日閒閒地洗幾千隻“人次”杯碗碟,一個鍾就有6,7盤碗碟隊入黎,我相信其他地區絕對冇呢個量,就算有,都有成隊兵係度洗,唔係香港呢種一夫當關模式,請外勞洗碗,除非加人工,我係外勞阿姐我寧願返地盤抹野都唔去洗碗

我真係做過洗碗工
2. 鋪災 2019-02-09 19:26
冇生意要結業收場,請唔到人要結業收場,其實最大原因就是鋪租太貴,建議商舖業主大減鋪租便可。
3. 鄧學士 2019-02-09 19:45
真兄,一字記之曰:讚
4. 鄧學士 2019-02-09 19:49
另外,銀仔係有兩面既
5. 香港人 2019-02-09 20:44
應以香港人利優先
6. Koichi Fuyumi 2019-02-09 23:02
2樓師兄

其實做餐廳,除非你一定要放間餐廳係銅鑼灣/尖沙咀/旺角,如果唔係其實租真係唔係最貴成本。人工先係最大支出。另一舊大成本係裝修,其實都係人工為主
7. 引刀一快 2019-02-10 00:00
外勞一放寬入香港,首先出事嘅,可能係香港女人。

本來香港男女比例已經失衡,除非齋輸入男工,否則一定進一步影響香港男士選擇取向。

其實,過往廣州最排外嘅,係廣州本地女人,因為太多北地胭脂產生競爭,後來發現北方的“狼”亦甚有瞄頭,多多少少拉平了。

香港女士睇唔睇得起大陸男外勞?唔知呢。
8. 真真薯片 2019-02-10 13:41
刀兄有料到,在下加多句,話明係輸入外勞,即係輸入既都係低技術勞工,就以洗碗工為例,就出現以下問題:

1/ 港男接唔接受年輕洗碗女工?
2/ 港女接唔接受年輕洗碗男工?

根據以上兩個問題既答案,就知港男大鑊定港女大鑊

不過,我認為娶左年輕洗碗女工既港男,將會比單身港女更加大鑊
9. 引刀一快 2019-02-10 14:07
真真薯片兄,恭喜發財,財源廣進!

會接受男洗碗才俊嘅,唔係港女,係港媛。至於娶年輕女洗碗員嘅,層面會廣得多。

很明顯,一種係長期合約,另一種就係“短約”👫

薯片兄,今時今日,願意腳踏實地賺勞力錢嘅大陸年輕女士,本質可能唔錯,你知大陸女人幾多容易錢揾嘅喇,不過港男能否協調或駕馭兩地文化差異,會係婚姻幸福關鍵。

我識得一個,大陸老婆好勤力,一個頂兩個賓妹,性格又開朗,冇乜三姑六婆嘢,但係兩個人都唔多夾,主因係文化差異。
10. 真真薯片 2019-02-10 15:53
刀兄,我都祝你身壯力健,萬事如意!

港男對大陸女,都係短約穩陣,長揸好少有好下場,唔係冇,而係非常少,或者咁講,當第一刻個女肯受你既原因係因為你既錢或身份證,呢個關系已經99%冇好下場

另外,今時今日仲有港緩嗎?好似有,不過貴到離奇,洗碗應該食唔起


11. 引刀一快 2019-02-10 16:37
真真薯片兄

係港媛食洗碗男咋,依家逐漸男女平等,已經好普遍。
大陸女人揀港佬,都不一定係錢同身份證嘅,兩者之中,為錢又好過為身份證,為身份證嘅就真係騎牛揾馬。有唔少大陸女人,係俾香港人嘅斯文、禮貌、風度、素質(質素)所吸引嘅,暫時香港男人都仲係有多少優勢,不過一定要識得揀,而且要充分了解自己,到底想要乜。
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。