港燦式茶餐廳 趕客喎!!?
作者 : 引刀一快2018年9月3日
瀏覽人次 : 30529    回應 : 35
港燦式茶餐廳 趕客喎!!?
 
引刀一快
2018年9月3日
尋晚睇新聞,睇到目瞪口呆,話如果境外人士每年住大陸超過183日,就要全球收入打稅,我當堂打個凸,咁即係大灣區趕客啫,半夜三更用齊兩隻W去通知朋友,大灣買屋且慢且慢。

之後定神一想,世界性收稅,即係米貴大圍事喇,咁就即係“世界事件”喇。做人真係唔好太自我,好多時候,項莊舞劍,唔係想懟你,原來意在沛公,然後意在張良,跟住又意在樊噲,意多幾十人,連虞姬意埋都未輪到你。

中美貿易戰開打,筆者唔清楚箇中細況,不過,好肯定好多美國細作一年到晚住大陸,今後佢地要報稅,亦即係佢地有責任向中國政府申報國外收入,或者話中國稅局可以查佢,咁樣可以引申非常非常大,恕筆者弱雞只能推斷到呢步。

同樣,貿易戰焗住企美國果邊嘅台灣,常駐上海台灣人超過100萬,估計絕大部分人收入遠勝22K,境內收入多定境外收入多?好複雜,我相信佢地已經諗緊點應付。

廣州已經成為非洲殖民地,合法非法居留者達幾十萬,難管理兼衍生問題多,部分人做兩地生意揾唔少,掃佢肯定話中國種族歧視,損害非洲友人感情,依家不分種族連香港人都掃埋,咁D黑鬼冇說話講喇。

中國近年綠化極為嚴重,而且各地都好多中東人活動,雖然對新疆人抓得好緊,但係唔敢對外國人下重手,籍住稅收調查,可以嚴控呢D人。

一時間就只諗到咁多同病相憐嘅病友,香港人又點呢?其實祖國對香港人嘅情況早就瞭如指掌,唔使靠呢D,如果純為收錢,咁之前唔使整CEPA俾香港吖,要貨唔要人?唔係卦?

相信,往後兩三個月之內,會有相關針對香港人嘅措施出台,未睇到有明顯轉機之前,投資大灣者最好先觀望一下,確認香港人唔係“沛公”之後,再作部署。


1. 自我陶醉 2018-09-03 08:15
引刀兄,

阿爺想話我哋知,要去就去橫琴,珠海4月時已宣佈橫琴會實施“港人港稅,澳人澳稅”。
2. 引刀一快 2018-09-03 16:10
自我陶醉兄

係?咁今次呢條稅例係唔係重疊?
3. 向泛民说不 2018-09-03 17:01
引刀,你墮入稅網了嗎?是不是要趕快回香港。
4. 自我陶醉 2018-09-03 17:14
回引刀兄

橫琴係國家級發展項目,稅制係特別為這個經濟特區度身訂造,目的係鼓勵投資和人口流入,應該唔須要跟其他地區,所推嘅港人港稅只係其中一項。
5. CD ROM 2018-09-03 19:02
刀兄,唔記得邊度睇到個未經 further 核實既措施,港人會享有頭五年括免期。。。

留意下d官方消息~
6. CD ROM 2018-09-03 19:52
http://hk.on.cc/hk/bkn/cnt/news/20180831/mobile/bkn-20180831173451750-0831_00822_001.html

全國人大常委會周五(31日)通過新修訂個稅法草案,引入被稱為「全球稅」的「稅務居民」概念,確定明年1月1日起,任何人在內地居住滿183天,即有交稅義務,在境內及境外的收入均需按內地稅制評稅或納稅,最高需繳45%重稅。納稅範圍包括境外人士在境內外的海外存款利息、股息、出租出售物業等一切收入。適逢內地於周六(9月1日)實施港澳台人士申領內地居住證,兩者的對象涉及在內地有居所、且居住內地半年的境外人士,令人憂慮將來長居內地的港澳台人士,需要繳納更多稅款。 

在修改之前,包括港澳台等外籍人士在內地居住滿1年,且在內地有收入,需要申報全球收入;在內地無住所而又居住不滿1年者,僅須申報在內地的收入,並不涉及境外收入。而在修改後,不論在內地有無住所,只要居住滿183天,便需申報全球收入。稅法第6條列明,在內地無居所、居住1年以上5年以下的人,經稅務機關批准,可只申報在內地的收入。 

有港區全國人大代表表示,港澳人士獲5年寬限期,因此最快在2024年後才要繳交上述稅項;另外由於內地及香港有避免雙重徵稅協定,在內地工作的港人若能證明居住地以香港為主,在內地居住累計不足半年、報酬並非由內地僱主或內地常設機構支付,便有機會獲得豁免。他舉例指,若有青少年在內地工作數年並在內地有物業,但在香港沒有長期住所,又或在內地退休的長者在香港有物業收租或有其他收入等,均有機會納入內地稅網。 

有頻繁來往香港及內地工作的人士擔心,內地稅率比香港高,如住滿半年便要就全球收入交稅,或考慮回港發展。 

內地將於9月1日起接受港澳台人士居住證的申請,有專家指申領居住證者將成為稅法居民,未來可能需繳納全球個人所得稅。另外,根據台灣的《兩岸人民關係條例》,台灣人到大陸所得收入需在台繳稅,不少台灣人擔心內地的新稅法實施後,長居大陸的台商需雙重交稅。
7. 窮千萬 2018-09-03 20:27
共產黨,規劃經濟,全被一班連上網買股票都要假手於人,仲投資投資去果道?不如過大海啦!
8. 樓市中哥 2018-09-03 20:47
請問現在內地人是否需要交全球税?
9. 打工仔 Andy 2018-09-03 22:07
刀兄
要投資大湾就要買港樓,點解?
正所謂買樓買龍頭港樓無得走,哈哈!
10. 向泛民说不 2018-09-04 16:35
全球税只有美国先可以做到啦,因为美国人在外国需要上报他们海外资产。你去银行开户,买基金,会问你是不是美国人。至于其他国家,你不报,就查不到。就像很多香港人在大陆有很多房产,在香港还可以申请公屋一样。

其实对引刀来讲,没有分别,因为他已经长期居住大陆。理论上一早要报大陆税。不报,其实是逃税。
11. 引刀一快 2018-09-04 17:40
To 4樓 自我陶醉兄

我估“港人港稅”會喺幾個地方執行。
12. 引刀一快 2018-09-04 17:49
To 5樓 CD-ROM兄

報道裡面有一個不變嘅重點,就係無論如何,一年住超過183日就要全球性征稅,如果冇相關港人特惠出台,咁就已經唔係交稅嘅問題,你懂的。
13. 引刀一快 2018-09-04 17:52
To 7樓 窮千萬

如果假手於你,你咪發囉,大陸香港關係咁密切,唔好以為喺香港就真係同大陸無關。
14. 引刀一快 2018-09-04 17:54
To 8樓 樓市中哥

問得好!
15. 引刀一快 2018-09-04 17:58
To 9樓 打工仔兄

好耐冇見,打工仔兄,介唔介意分享一下,你最近一次入嘅港樓,年份同呎價?或者當時嘅CCL指數,俾大家參考一下。
16. 引刀一快 2018-09-04 18:06
To 10樓 向飯

全球稅係一個稅項,中國是否想向美國睇齊,未知,但係絕對係一個作為調查嘅名目同手段,亦係一種管理用嘅武器。

我相信,呢個只係一個起步,往後仲有好多嘢出台,甚至有機會藉此去追D貪官土豪嘅走資,你信唔信?
17. 打工仔 Andy 2018-09-04 18:16
刀兄
小弟2016~17 都有入市買物業呀!
近十年在港都係有入無出,啊啊! 
18. 引刀一快 2018-09-04 18:55
To 17樓 打工仔兄

恭喜恭喜,咁你介唔介意講講呎價同地區?
另外,今年你入咗貨未呢?
19. 自我陶醉 2018-09-04 20:16
11樓 引刀兄

這個很難說,不過橫琴地方之大,要填滿不是兩三年可辦到的事。
20. 打工仔 Andy 2018-09-04 20:46
刀兄
其實今年年頭都有幫家人買到樓,也算荀盤,其他我地PM會好d,哈哈! 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。