港燦式茶餐廳 大灣區樓價跌,係真跌
作者 : 引刀一快2018年8月29日
瀏覽人次 : 25856    回應 : 44
港燦式茶餐廳 大灣區樓價跌,係真跌
 
引刀一快
2018年8月29日

   最近,好多大孖莎討論啲港樓喺度假升假跌,筆者認為只要利息升,樓價一定係真升,因為買咗或者準備買港樓嘅閣下俾嘅供款,必然“水漲船高”,付出嘅代價就梗係係升喇。



大灣區樓價又升唔升?呢幾日陪人去過深圳同廣州睇樓,好明顯,樓價跌咗。先講廣州,有個早半年開400萬左右嘅大單位,依家開350,中介仲講明係開價,心態明顯弱,而且睇到有好多靚放售。


至於深圳,羅湖一帶嘅細盤都係四萬幾一平方米,合香港算法約五千零蚊呎,過一過關就平一半唔止,租價平更多,而且對香港人買樓放咗限購,唔使等居住證出台,近日得閒會去多幾個區睇,到時會同大家分享下。

配合港人居住證,估計係想多D香港人上去買屋,到底係促進融和,還是揾人接貨?總之平過香港好多!想擁有一間有正常居住功能嘅居所,如果係掹掹緊嘅你,快快留意大灣區,早買已經平幾球,遲買分分鐘越級享受!

1. 樓市黃牛 2018-08-29 16:29
多人炒,先識昇。下跌時,叫人去買?
2. 自我陶醉 2018-08-29 17:49
引刀兄,

我印象中國稅制是要計算境外收入的,每年留在內地183日以上,就開始要交稅,知唔知實際情況係點? 申請港人居住證會捉虫嗎?
4. 引刀一快 2018-08-29 18:00
自我陶醉兄

實際情況最好問CD-ROM兄,我交過所有稅都同居住長短無關。
5. 引刀一快 2018-08-29 18:03
To 1樓 樓市黃牛

原來你地都承認港樓係炒,真坦率。
不過我又見到好多你地嘅同儕話,港樓跌就入多幾間喎,原來唔係真架?
6. 珠三角房产专家第一人 2018-08-29 18:05

很多人都抢疯你你们却在这里说跌价了666

8. CD ROM 2018-08-29 18:43
刀兄,自醉兄,今次呢單野我都未攪清楚,不過唔駛急住,因為建制議員話已經同中央反映,可能往後會有回鄉証既特惠政策。相信港人未至於跟老外被中央一視同仁吧。

現時做法,留超過 183 日,只需為境內收入主動納稅就可以了。
9. 自我陶醉 2018-08-29 19:09
謝謝, CD ROM 兄! 有進一步消息請再分享一下!

10. 自相矛盾 2018-08-29 19:30
又説跌,又說早買平幾球。

究竟想說什麼?
11. Jon 2018-08-29 21:29
羅湖40000幾?你係咪講唔近地鐵近20年嘅舊樓呀?我從廣州搬咗去深圳,想揾間2房,等緊荀盤。。最近業主心態係軟少少,但完全唔覺得回咗。上半年起碼乾升左10%,而家都未嘔番出唻。羅湖有個新盤仲開緊75000,毛㺽。。。
12. Trader 2018-08-29 22:41

刀兄。非常多謝你的分享  

“”對香港人買樓放咗限購,“”

請問有張回鄉證。但從沒在大陸居住過的港人現在可在深圳市區(e.g 羅湖。)買一層樓嗎?  


13. 十郎 2018-08-29 22:44


      刀刀 , 你個icon好引誘啊 ,仲有7隻腳趾添。係乜野名堂呀 ?


14. 引刀一快 2018-08-30 01:35
To 10樓 自相矛盾兄

係我寫得簡略咗,應該係:

早買(平過港樓)幾球。

多謝指正!
15. 引刀一快 2018-08-30 01:47
To 11樓 Jon兄

幾多年樓我冇問,總之電梯樓,行得到去口岸,離地鐵會有幾遠?都係人民南春風路區域,當日睇到全部都係四萬幾一方。尚算新淨,香港D二手摸埋都十幾年,分分鐘四五十年樓,佢呢D唔算舊。
至於新樓,都係冇譜嘅,開75000你可以同佢傾。
16. 引刀一快 2018-08-30 01:55
To 12樓 Trader兄

據當地中介講法,異口同聲,只要名下冇深圳物業嘅香港人,每人可以一間,不過我冇問過是否以家庭為單位,有心買可以直接去當地房管所咨詢,如果我下次過去有時間,真係要問問先。
17. 引刀一快 2018-08-30 02:02
To 13樓 十郎兄

我一直疑惑,從來冇人問過引刀嘅icon係乜,到底係冇人有興趣知?還是個個都一睇就知?

呢張係精衛填海圖,呢只係精衛鳥,銜石成癡絕,滄波萬裡愁。
所以我孤飛終不倦,羞逐野鷗浮。

萬幸,淡友早就唔使孤飛喇。
18. 引刀一快 2018-08-30 02:11
To 6樓 珠三角房产专家第一人兄

我睇到嘅唔係全個大灣區,只係兩個點啫,如果兄台有大灣區各地樓價消息,非常歡迎在此分享,感謝!


19. 十郎 2018-08-30 06:56


      領教 , 領教。

20. Trader 2018-08-30 10:45

 多謝刀兄。深圳當地房管所的回答才能當真啊。BTW. 廣州香港人買樓放咗限購了嗎 ?  Thank you !
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。