瀏覽人次 : 9389    回應 : 13
茶餐廳亂話(500)回流人士說招標
 
湯文亮博士
紀惠集團行政總裁
2019年4月15日

  今早去到茶餐廳,有一個客人是回流人士,以破釜沉舟態度回流香港,回流之前將加拿大的物業以招標形式出售,過程非常順利,售價亦相當理想,他唔明白香港地產商玩招標不但玩到政府出聲叫自律,而且準備監管,老闆問在加拿大那邊又如何玩招標。

  回流人士話,在回流之前兩三個月,委托測量師以招標賣樓,於是做標書,訂底價,搞開放日,最重要是如果入標者高於底價,回流人士答應一定會出售,而且不會出現第二次競投,所有入標人士都有權睇開標,不但公開公平公正,而且透明度相當高,結果是當日入標的人非常多,而且全部超出底價,他亦可以順利出售,那位回流人士話不明白香港地產商點解搞招標搞到一鑊粥,隨時被政府檢控,他不明白,在香港,招標有另外一個名詞,叫「黑箱作業」,既得利益者不願意改變這個流程,買家得不到保障,所以現在已經很少人用招標賣樓,今次地產商玩招標玩到政府發火,林鄭有可能出招整頓,香港地產業之福。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. ANA 2019-04-15 11:10:55
政府招標賣地,唔理想價收埋唔賣,地產商要貴買地平賣樓,莫非想香港公司好似大陸公司為國捐軀。
2. 真真薯片 2019-04-15 11:44:01
呢個就係港式同西式既分別,人地測量師可以公正招標,我地就係唔得,只有黑箱招標或者唔準招標,冇辦法

正苦可以係售樓寫講明成個盤唔準招標,想招標既單位就申請另一張售樓紙
3. 十一哥 2019-04-15 16:35:20
4. 十一哥 2019-04-15 16:38:57
借老湯地盤一用😅啱先喺海運食晏,唔知係唔係盪失路?
5. 引刀一快 2019-04-15 22:49:52
北京人
6. 小心大媽區AA 2019-04-15 22:58:18

約30港人投資大灣區物業疑遇爛尾 涉款逾2000萬人民幣

2019-01-19 18:04 

約30港人投資大灣區物業疑遇爛尾 涉款逾2000萬人民幣天良喪盡的大灣AA

7. 十一哥 2019-04-15 23:14:54
一切都係正苦立壞規矩、之前投地都唔公開其他標價、之後先改變、典型嘅州官可以放火…百姓不得點燈、加拿大…買家offer業主接受咗就冇得賴猫、反之亦然、拍賣要先公佈底價、達到底價就冇得縮沙、全面披露其他出價…根本係理所當然。
8. 引刀一快 2019-04-15 23:18:51
呢30個香港人真係慘,俾香港嘅AA帶返大陸劏,以後大家買大陸樓要小心,信大陸親戚好過。
9. 十一哥 2019-04-15 23:19:21
刀刀  成日提嘅揾人頭…信就唔底可憐、等於喜歡煲冷…又要幫趁外圍。
11. 回引刀 2019-04-15 23:28:23
你在大媽區做咗AA咁多年,應該搵到唔少,點解咁發毛冇錢買港樓?還是驚回港被打?
12. 引刀一快 2019-04-15 23:34:11
又要詆毀大陸,又唔敢講到出面,好壓抑喎。
13. 回引刀 2019-04-16 02:01:25
我只不過提醒下香港人,無爛尾,就不是大灣的事實。咁就叫詆毀大陸? 你太睇少大陸啦。試問大灣何處冇爛尾?

你為了開單,真是已經無曬底線,居然把到處爛尾的地方描述到似天堂。重話不鉵錢是剛需。 唔通你們大灣AA要的是命😰
14. 引刀一快 2019-04-16 08:00:59
大灣區有幾何出一單爛尾,大發展商唔會,二手唔會,其他嘅都唔多,熟悉大陸環境嘅人基本唔會中招,一般都係你呢類本港AA帶同胞上去送死,否則好少死嘅。