瀏覽人次 : 16540    回應 : 1
茶餐廳日誌(319)講波,講樓,講投資
 
湯文亮博士
紀惠集團行政總裁
2018年4月16日

  今早天氣稍涼,不過亦是意料中事,跑完步去到茶餐廳,老闆問曼聯昨晚點解輸波,我話寸王摩連奴老謀深算,專登要曼聯輸波,令到曼城哥狄奧那,瞓瞓吓覺就攞左英超冠軍,如果唔係曼聯輸波,曼城下一場在主場贏波,就堂堂正正攞英超冠軍,現在未打已經是冠軍,結果是一樣,但滋味不同,曼聯輸波,最唔開心應該是哥狄奥那。

  老闆又問我今屆世界杯會不會寫波經,老闆問得好,我是會替經濟日報寫世界杯專欄,用投資者角度睇波,並不是那些一係入,一係唔入分析,專欄名稱應該是「講波,講樓,講投資」,上一次替經濟日報寫世界杯,在未開始時我已經話德國會攞冠軍,西班牙會在分組賽出局,但經濟日報編輯話這不是請我再寫世界杯的原因,講得準冇人會記得,只是講的人自己會記得,就是因為我近日預測樓市不準確,所以才請我寫世界杯,讀者有多些話題,點撃率都高一些,他說得的確冇錯,老實說,今屆有哪一隊國家入到決賽週我都唔知,要做下功課。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 引刀一快 2018-04-16 17:09:01
今年冠軍九成九又係中國隊,真係令人惋惜。