瀏覽人次 : 21030    回應 : 13
茶餐廳日誌(293)慈父不易為
 
湯文亮博士
紀惠集團行政總裁
2018年3月12日

  今早跑完步去到茶餐廳,老闆話我今次又預測錯誤,會德豐新樓盤不但一Q清袋,而且可以證明樓市出現小陽春,我話不是一Q清袋,而是2Q,因為最初推500個單位,輕微加價後再加推250個,不過無論如何,我應該是輸了,但樓市是否出現小陽春還未能夠確定,再有兩三個新樓盤賣個滿堂紅就的確是小陽春,老實說,機會是幾大。

  今次新樓銷售,宣傳手法,將會令到社會有一股歪風,扭轉慈父定義,簡單來說,買樓給子女的就是慈父,那些供書教學,為子女撲入優質名校,但如果沒有買樓給子女,就不能夠說他們是慈父,對於某些人來說,這個慈父是很容易可以做到,但對於另一些父親,就變成一個不可能完成的任務,在我來說,我絕不同意這是慈父的定義,甚至說不知所謂,如果大家接受這個定義,以後做父親就很艱難,不但要買樓給子女,而且要比子女朋友的父親買得好,買得豪,我只能講一句慈父不易為。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 博士是慈父 2018-03-12 10:49:54
博士是慈父的典範。
3. 真真薯片 2018-03-12 11:20:14
呢個地點, 呢口價都1Q清, 事實擺在眼前, 個市係勁

慈唔慈父都係人講嫁者, 你比錢佢洗, 佢咪話你慈父囉, 叫埋你做聖母馬利亞都仲得

不過話分兩頭, 唔好理慈父係真係幫仔買樓定係自己想投資就借仔女人頭慳稅, 總之上一代購買力甚勁, 係地霸囤貨擠住牙膏咁黎賣既情況下, 除非股匯有大變, 否則港樓都係易升難跌
6. 傻牛 2018-03-12 15:16:31
薯片兄,今時今日,萬四蚊一尺,重要新樓,真係平喎,你識唔識㗎?唔通開8千蚊一尺咩?
8. 博士粉絲 2018-03-12 16:41:13
旁邊二手都唔算舊,成交呎價應該大約12000左右,開到14000,叫平定叫貴,睇你點睇
9. 香港土著 2018-03-12 17:21:40
旁邊舊樓12000,新樓14000即係平...... 因為舊樓四百幾萬首期攞唔出,新樓百幾有交易。哈哈~ 買家唔夠厚底,冇辦法。
10. 真真薯片 2018-03-12 20:56:32
14000蚊呎, 堆填區, 仲要接近3年樓花, 即係損失3年租金收入, 果度閒閒地70幾萬, 加返呢條數落去, 可以買對面tko站現樓立即收租了, 租值仲要高一線, 你識唔識嫁?
12. 博士粉絲 2018-03-13 00:07:10
除左因為首期拎唔出先買晉海/malibu之外,我諗問到為何唔買呎價12000樓下旁邊10年樓齡內既樓,或者800 - 950萬夠買將軍澳/坑口/寶琳三房,點都好過買兩房半仲要開放式。

好似薯片兄咁講,買樓花投資就少左幾年收租/自住就交多幾年租,一來(呎價唔平)一回(少左幾年租,當月租2萬,三年72萬),差好遠。。。如果買自住樓即供拎折扣既話,一邊比租一邊供樓,就算月入10萬都已經唔見一半。

可能我比較實際啲,如果我一定要買,堆填區新樓唔會係我首選。
13. 回博士粉絲 2018-03-13 00:30:07
好奇一問,點睇將軍澳長遠樓市?

本人昰初哥一名,因有小朋友需要才開始留意樓市。住在這區十多年,以為供應這麽多一定無得升。結果……

最近睇樓(主要天晉、parkside) 發覺很多都是末入伙或租盤,而新盤過ssd將會不斷增加,長遠這區樓價會不會下調?

謝謝

歡迎其他人提供意見
14. 驚青 2018-03-13 07:19:37
Malibu 嚴格來講係 18 個月樓花期 (09-2018 至 03-2020). 如果係投資客,當你兩萬月租,一共 36 萬租金成本 (普通中產其實要交返 360000 x 0.17= 61200 稅, 即係得返 30 萬)

另外,佣金回贈 (一般 1%) 相比買二手要比1% ,一來一回已經 10 萬+. 然後二手點都唔同全新既裝修,不論自助或者出租,點都省回十最少五萬至二十萬裝修費同一兩個月裝修期.
15. 博士粉絲 2018-03-13 10:50:53
13/F,樓市真心唔識睇,只能說可以參考番博士講過既文章,自住樓,供得起,入息真係穩定,買得起可以積極考慮買,畢竟有小朋友如果搵將軍澳大小小既3房月租2萬up,一年就24萬up,交租就會無哂。

將軍澳樓價起將軍澳區內最貴,亦比較新,潛力最大。如果for自住想平少少,有興趣可以睇下坑口啲盤,一黎無咁貴,二黎行過去將軍澳廣場都係10分鐘內,周邊有運動場有小學多幼稚園有政府醫院急診有街症門診有母嬰健康院又近科大同西貢,自住應該都算舒服,有初生小朋友都方便。

我不是agent, 坑口都有弱點,周邊無得再起新樓,可能吸引唔到眼球,升值潛力亦低啲,商場質素同將軍澳pop corn 1 2, 完全無得比,又唔臨海(不過部分坑口屋苑高層望到海景),會所無新樓咁grand。

想住得豪定住得平,睇個人選擇,我只能將我對呢兩個地區既睇法同你分享。買樓風險大,係太多人一生的投資,小弟唔夠班唔敢比意見你參考呢。
16. 真真薯片 2018-03-13 12:29:28
我都睇唔通康城前景, 據聞康城再入面有塊地叫佛堂澳, 係海邊平地, 有兩個康城咁大, 一定會起樓, 如果佛堂澳都起滿樓, 咁康城應該就會相對方便, 好似馬鞍山同烏溪沙咁?

不過以香港正苦既速度, 佛堂澳起滿樓起碼要等30年, 啟德由98年搬走, 20年後先有第一個私樓入伙, 對出依家先賣緊地, 準備賣幾年, 估計啟德最後一個樓盤10年後可以入到伙已經非常樂觀, 前前後後真係30年, 全世界最有效率公務員團隊唔係浪得虛名
17. 回博士粉絲及真真薯片 2018-03-13 13:45:53
多謝指點
18. 引刀一快 2018-03-14 07:25:36
咁就更要買大灣區喇,依家去D一線邊皮,或者二三線靚位,揀單價平平地嘅嚟買,買大D,到D細路大咗,果D就係豪宅。