瀏覽人次 : 16214    回應 : 6
茶餐廳亂話(159)反對一地兩檢
 
湯文亮博士
紀惠集團行政總裁
2017年8月9日

  天氣時晴時雨,不過仍然適合跑步,跑完步收到老闆電話,叫我今日唔好去茶餐廳,因為有人到來抗議,反對一地兩檢,反對我用揸車來比喻一地兩檢,叫我去另外一間茶餐廳,他會在那裡等我,這件事令我覺得很奇怪,大家都知道香港是言論自由,亦享受緊言論自由,怎可能有人反對別人支持一地兩檢,如果可以這樣做,就毋須做什麼咨詢,仲成世界嘅。

  去到另外一間茶餐廳,老闆已經在那裡等我,佢話已經報了警,警員到來之後了解詳情,將抗議的人警戒一番後叫他們離去,原來那些人是從深圳過來,他們擔心香港一地兩檢成功,深圳就不能夠成為高鐵終站,其他省市的人會乘高鐵直到香港,深圳的重要性就減低了很多,原來有人關心香港是否能夠通過一地兩檢,不過又不能夠怪他們,因為這是切身利益,但香港反對的一班人,只不過是為了反對而反對,反對什麼他們也未必知道,同班友講都嘥氣,飲杯咖啡好過。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 真真薯片 2017-08-09 11:20:35
毛主席教落, 敵人擁護的我們就要反對

所以犯民其實係向毛主席學習, 唔好怪佢地
2. 小念頭 2017-08-09 22:56:06
似假還真,但覺言之有理。有些人什麼都反,就算益自己都係咁玩反,有關當局係時候要加建精神病院嘞。
3. 引刀一快 2017-08-10 04:06:22
深圳想做終點站?做到又如何?過去已經做咗好多年和諧號嘅終點站喇。始終南方嘅樞紐係廣州南站。

政府銳意發展呢個樞紐,深圳去汕頭嘅高鐵時速250公里,遲D南站去汕頭係時速350公里。深圳勢頭勁,但係廣州底子厚。
4. CD ROM 2017-08-10 15:32:25

近排有議員懶係大踢爆, 話坐高鐵去廣州市中心慢過坐和諧號, 跟住話政府呃人之類果d啦............

刀兄都講左, 南方嘅樞紐係廣州南站, 而最大價值就係可以再通去全國各地既高鐵站嘛. 你硬係set個終點返去天河, 只係好膚淺咁話比人知你對全個中國既眼光就只到天河? 即係有人同你講佢好熟深圳但係原來佢只去左羅湖商業城?

我自己試過幾次從廣州南回家, 40分鐘左右在福田站下車, 行10分鐘地下街到會展中心地鐵站, 坐兩個站到福田口岸過關, 再坐東鐵一個鐘先到九龍.......... 我不能想像日後直接係九龍站落車是多麼的美好~~~
5. 引刀一快 2017-08-11 01:32:12
CD ROM兄

你早就係大灣區常客,其實嗌聲你同志都名副其實喇,所以你喺大陸嘅眼界唔會同D“自相矛盾”派一樣。

去廣州最快唔係和諧號,應該係直通車同直通大巴,依家以前廣州南站同深圳北站唔就腳,係時候未到,慢慢就會路路通。

香港係一個終端,廣州係樞紐,唔講經濟,單講生活質量,就已經逐步提升喇,遲D四十分鐘可以去到汕頭,到時一齊去食晏打冷,揾汕頭佬帶路食雞泡魚!然後返廣州飲下午茶。
6. CD ROM 2017-08-11 23:40:14
刀兄,等你引路了。。。一直未有機會去汕頭一遊~