瀏覽人次 : 21430    回應 : 25
股市唔跌,因為不是很多人夠膽沽空
 
湯文亮博士
紀惠集團行政總裁
2019年1月18日

  在去年底我出席過不少講座,當大家談及股市,差不多所有財經演員不約而同話今年股市有危冇機,如果要在股市賺錢,最好辦法就是沽空,我聽到之後飆一身冷汗,因為很多聽講座的人都是拿著退休金投資,叫他們沽空其實叫他們去送死,就算專業的股票投資者,要掌握沽空這個竅門除了天生異禀外,還要經過長時間浸淫,所以我當時踩過界,叫那些年紀比較大投資人士,如果沒有把握倒不如偃旗息鼓,現金為王為上策,當然有人不開心,但我只是說出事實。

  香港股市在過去兩三個月,受盡各種不利消息,包括影響甚大的中美貿易戰,但恒指下跌至2萬4千多點便止跌回升,向下衝了幾次都未能突破2萬5點,現在還有反覆上升趨勢,那些熊二熊三,牛去熊來的理論已經少了人提及,不少人認為股市上升是因為中美戰略戰有機會解決,利息在特朗普發爛渣之下,加息將不會是美聯儲局開會的議題,代之而起的是減息,股市上升只不過是對上述事件作出反應,我不能夠說這是錯的,但是他們忽略了一件最重要的事,就是沽空股票的人不多,所以股市沒有大跌,雖然今日不跌並不代表以後不會跌,不過,如果沒有人沽空,下跌的時候亦非常有理性,不會出現不問價下跌情況。

  物業市場雖然沒有沽空這個制度,但一般人都會認為將自住單位出售就是沽空,不少初嚟報到的測量師,認為香港樓價上升是很容易解決的事,只要5%業主將自住單位出售,樓價一定會大跌,他們說得沒有錯,但很難說服5%業主賣走他們的自住單位,所以,樓價即使在各種不利因素下仍然沒有大跌,現在只是調整,所以,若果要避免股市樓市突然間大跌,就千祈唔好沽空。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 阿豬 2019-01-18 08:41:10
多謝博士每日發文
若不是博士不吝嗇在這平台發文
像我這樣的一個平民
根本沒法窺探像博士這種成功人士的思考方式
真心感激

2. 真真薯片 2019-01-18 17:50:54
沽空股票一定會買返,因為要平倉

沽自住樓係咪一定要買返?就好難講
3. 十一哥 2019-01-18 19:01:13
人人識喊驚…就最穩陣、一早話咗沽空會比大錢袋睇住挾、引敵深入…聚而嗒之、不過呢排沽空都係試水注-且戰即走、比人食下點心咁、大空未有條件、當正自己係大錢袋咁諗嘢啦!自然就跟到節奏…、比個建議…要沽就玩指數…少D機會比人睇住啅。


4. 自我陶醉 2019-01-19 09:21:37
將自住單位賣出就係沽空,咁一生從來未買過自住單位,又算唔算沽空?  如果要買咗先可以沽空,咁又算唔算沽空呢?

做生意嘅人,要有舖有寫字樓,唔買物業自用又係咪沽空? 買咗賣番再租又係咪沽空? 人人都要食飯,唔做農夫算唔算沽空咗米? 以前做農夫,現在轉行炒樓又係咪沽空咗好多米?

一出世就沽空了樓? 沽空了米? 沽空了豬牛羊鷄鴨鵝? 連水同空氣都沽空埋啊!  咁講法,人一出世已經好大膽,已經註定係空軍,一出世已經沽空好多嘢。 哈哈哈!

又有人話,情人節一定要買花,父親節母親節要同父母飲茶食飯,唔通呢啲平時唔可以做? 定呢啲潛規則嘅人,講到尾都係為咗錢,做定唔做,要做幾時做都係自己決定,點解要一世被其他人牽著鼻子走?  
5. 沽空十年 2019-01-20 09:54:40
尼十年,沽空友真係日日賺。

6. 打飛機日日賺 2019-01-20 13:42:41
有人唔打算做老婆奴,更加唔會生兒育女揹一生責任。

正常佢應該去叫雞網自娛,但好奇怪佢反而中意去親子網笑别人好去生仔,又煩揾學校又擔心佢學壞,學佢打飛機日日賺,每日哈哈哈大笑三聲,人生就最美滿,驚死人唔知佢有幾(幸福)。


7. 自我逃醉 2019-01-20 14:40:58
6樓,你係咪話我啊?我吵股日日賺吖。哈哈哈
8. 望東樓 2019-01-20 17:02:03
沙士個陣有條友拎住幅六年圖比我睇,笑我係竟然敢借P-loan買樓日日蝕。舊年今日又有一條友揸住幅九年嘅BITCOIN圖(因為得九年歷史)問我點解唔買埋一份日日賺?細佬都多謝咗佢哋嘅好意。
記得師父教我嘅其中兩樣嘢就係:
-揸車要望前面,唔係睇倒後鏡。
-軚係用嚟轉嘅,唔識轉彎好快覽山。
9. 自我陶醉 2019-01-20 17:27:59
6樓

啲風停咗幾個月,你啲飛天豬就無以為繼,最慘係發埋豬瘟,我都好明白你哋心情。你哋一係就盜用別人網名,一係連名都唔敢出,睇嚟病得好嚴重啊!風水佬呃你十年八年,我都話咗好快會有飛天豬跌落嚟喇!即時應驗㗎,早幾日長洲海邊發現嗰半隻係咪你兄弟呢? 

話時話,你早幾個月入咗嗰間而家賺幾多? 千祈唔好氣餒喎,只要跌落地前再有風,都仲有希望㗎! 唔得咪最多留俾個孫囉!反正你有孫又有虱,實有一日返本嘅,你唔洗慌! 買樓係日日賺㗎,不過最緊要保住份工啊!頂唔住咪最多叫隻小豬豬出嚟做童工囉!哈哈哈!

10. 自我陶醉 2019-01-20 17:36:57
東樓兄

你講咁深道理佢哋唔明㗎,佢哋淨係識copy and paste, 抄咗前十年條線貼去後面先啱佢哋level嘛!佢哋真心相信嚟緊十年仲有幾倍升㗎,唔係馬雲點會叫呢啲做飛天豬呢! 

11. 自我逃醉 2019-01-20 17:53:16
又打咗2Q XX,好爽,哈哈哈
12. 日日賺 2019-01-20 18:29:31
咁大嘅風都 錯過,話你係豬真係侮辱了豬的智慧。同哈哈
13. 打XX日日賺 2019-01-20 20:00:45
打XX又名XX,XXXXXXXXXXXXXX,說穿了就是幻想對手有幾惨,自己又有幾勁,對住塊鏡話自己好靚仔果亭。
14. 望東樓 2019-01-20 21:06:49
沙士個陣真係有個老死捉住我,同我暢談咗一個晏晝人生。(相信佢係驚個市再跌多兩成我會搵佢救亡)一七年尾又真係有啲億萬身家嘅科網大大佬出嚟唱好BITCOIN叫大家買、買、買。(至於係真心定係搵朱先生接佢啲貨就唔清楚喇)
如果唔係我就直接話九七個陣有個高人俾個九十九年嘅香港樓價圖表,明確標示樓價從來冇跌過,唔買就是朱。
15. 自我陶醉 2019-01-20 22:15:40
12樓

話你豬即係豬! 你有見過雀仔要等有風先飛得起未?  連馬雲話你咩都聽唔明,唉! 

佢想提你唔識飛咪學人飛,風吹就當自己識飛,仲以為自己好醒,遲早跌死你呀,傻豬! 哈哈哈!

16. #13係我 2019-01-20 23:35:39
XXXXXXXXXX,就真係以為自己係雀重識飛,可笑可笑!

Admin不妨又cut  留言啦,冇所謂,呢度留返畀各淡淡XXX自娱啦,好友一個二個不屑留下,admin居功至偉。
17. 引刀一快 2019-01-21 04:23:13
唔知沽港樓買大陸屋,或者一路淨係買大陸屋,算唔算沽空呢?
2009-2019,雖然大陸樓回返兩成,似乎仲係跑贏港樓一大截喎。
18. Admin 2019-01-21 08:32:16
To: 11/F, 13/F & 16/F

留言出不出街跟看好看淡,不看好不看淡,既看好又看淡沒關係,這裡有女性讀者,請專重其他網友,粗俗黃色留言絕對不會出街,謝謝!!
19. 望東樓 2019-01-21 09:04:08
小刀,如果祖國同胞唔向穆斯林、非洲同志學習,少啲上網,多多多生小孩,以現今已經廿個巴仙嘅空置率,你叫我點。。。咁當然大灣以現時嘅情況睇會係相對強勁嘅。
20. 自我陶醉 2019-01-21 09:15:33
引刀兄

你問我,跑贏就是啱,跑輸就是錯。呢個世界冇咩沽唔沽空,只有值同唔值,睇啱定睇錯。  所有嘢都係相對嘅,借錢買樓一樣係沽空未來收入去換其他資產,供樓同你供股票、供月餅會毫無分別,你只係在賭樓價、股價、月餅價加潛在回報會跑贏你未來收入價值。 若然你有水晶球,樓價必升一倍,你就算沽空未來收入都仆倒去買,如果你知樓價會跌一半,你還會沽空未來收入買樓嗎? 如果你知明年金價會升4成,樓價會跌1成,你會買咩? 

沽港樓買大灣,沽樓買股都係一樣,跑贏跑輸先係重點。投資係講分析,講時機,冇一樣資產會絕對跑贏,所以我最反對啲盲好未經分析,就盲目相信任何資產嘅所謂投資。 2016時我同大家講買九倉、新世界等地產股比付一大堆稅買港樓更有價值,一大堆盲好出嚟反對,現在港股就算調整咗幾千點,呢兩件嘅現值都比那時的低位升近一倍,港樓呢? 

22. 引刀一快 2019-01-21 10:37:57
東樓兄

我講嘅只係過去式,係指2009之後所作嘅決定,我係一間港樓都冇買,全部攞嗮嚟買大陸屋,俾人話淡友無所謂,但係又算唔算沽空呢?
大灣區依家應該會有一個“暗跌”,講明,唔係假跌呀,開價大,還價賣,總之要觀望,之不過,好快,整個廣東都係內地人嘅“遠方”,渴望嘅遠方,又冇去香港嘅單程證壁壘,又有最務實最包容嘅風氣,而且樓價基數低,蝕都係有限,依家係忍住手睇樓嘅時候。
23. 引刀一快 2019-01-21 10:53:06
自我陶醉兄

我同意你講法,其實幾年以來,我地同好友一路爭論嘅嘢,圍繞住唯港樓史觀嘅對與錯,港樓筍唔筍,港樓值唔值博,如果攞呢幾年嘅成績出嚟比較,單算增長比率,淡友們絕對唔輸。
24. 哈哈哈 2019-01-21 11:29:06
又相互打機,好友全部潛水原來係輸得好慘,哈哈哈
25. 自我陶醉 2019-01-21 12:20:20
16樓

人哋Admin哥都放生咗你6樓段廢話未XXX你喇,仲嬲嬲豬?

其實被人XXX你啲留言,都唔洗咁氣憤呀! 咁緊張因住爆血管喎! 反正你都係廢噏,除咗XXX都諗唔到第句,以後求其用個網名XXX陶醉,然後留言係:

你XXX, 我XXXX你。 

以後咪冇人可以再XXXX你啲留言囉! 哈哈哈!

26. 引刀一快 2019-01-21 16:04:04
24樓

真醒目,識得揀24樓嚟講嘢,正式係亂嗡24,哈哈哈哈