瀏覽人次 : 12599    回應 : 15
股樓夜話(7)怕不辣,辣不怕,不怕辣
 
湯文亮博士
紀惠集團行政總裁
2018年11月19日

  今晚食完飯,收到舊同學電話,希望在星期四晚與其他幾位中學同學一起晚飯,我話sorry ,因為早已約了汪敦敬食川菜,舊同學很奇怪,以為我和老汪為了26萬個購買力鬧了交,其實絕對沒有這回事,我們經常一起在不同傳媒討論樓市,有不同聲音是正常的,尤其是在老C轉軚之後,市場上已經沒有人理性地睇好樓市,盲睇的仍然有,汪敦敬已經在某個程度上代替了老C,就算文匯大公報講樓市,都會搵我與汪兄比較,至於AAStock ,更加會直播我與汪兄講樓市,連黃元山也不甘後人,做汪敦敬與我講樓市的主持,這些都是在未來一個月內會發生的事,老汪話先禮後兵,所以請我食飯。

  老實說,每一次老汪請客,他會費很大心思,與我完全不一㨾,食來食去都是那幾間,連茶餐廳都沒有變化,今次老汪揀四川菜,而四川人怕不辣,湖南人辣不怕,貴州人不怕辣,香港人怕辣,不過是辣招,老汪問要不要減辣,一定不可以,減辣不如食廣東菜,究竟食四川菜應該配什麼酒,我認為很冰凍的白酒就最好,期待。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 真真薯片 2018-11-19 22:32:59
貪憎明益地霸,689任內走數,林鄭上任後不作為,結果係689最後一次加辣以黎樓價升超過五成,要減辣,最低限度要跌返去加辣時既水平,即係要跌三成先有得諗
2. 跌三成先有得諗 2018-11-20 07:26:51
阿董載譽歸來有冇得諗?
3. 香港土著 2018-11-20 08:59:20
汪老闆已經將買樓必賺,改為開心事、長遠利益意義、 安享晚年... 字眼微調,有聯儲局官員風格!
4. To 3 2018-11-20 09:09:55
香哥, 聯儲話明要更正常, 啫係現在唔正常。

紐約聯邦儲備銀行總裁威廉姆斯表示,美國經濟及就業市場表現強勁,認為下次議息會議將朝著貨幣政策逐步回到利率更正常水平的路徑。
5. 香港土著 2018-11-20 09:12:03
其實,26萬個居屋申請,只反映折扣夠大,唔可以簡單當成私樓潛在購買力。

要學新加坡將公私營房屋市場差距拉開,目的就係區分兩種需求。當兩種需求慢慢decouple,最終就會將鋼需成分較重者保留在居屋市場,私樓主要服務投資成分較重需求。
6. 香港土著 2018-11-20 09:23:43
私樓未來服務對象覆蓋範圍已經縮窄,大環境又全面向淡,地霸之間音樂椅正在進行,第一輪考驗農曆新年上演,玩到明年中會,形勢會較為明朗化。地霸守得越穩,政府就越放膽加大開發公營房屋力度。
7. 只反映折扣夠大 2018-11-20 09:36:12
唔算, 私私跌兩成, 五二折變七二折, 即時冇左吸引力, 但是, 前提是, 私私唔該跌兩成。
到私私唔跌兩成, 特衰正苦整啲三二折一二折嘅, 甚至係 0 售價第日 100% 補地價嘅出黎, 睇你跌唔跌。
8. 太上忘情 2018-11-20 10:12:54
CY硬橋硬馬,地霸一於積極不合作,令CY無兵司令,粒粒皆辛苦。其實可追溯至董伯伯八萬五和地霸結下樑子。於是林鄭政府以供為攻,填海增加土儲,誘導地霸釋放手上土儲。記著蝕本生意冇人做,殺頭生意有人做,推倒樓市,只會令地霸繼續積極不合作。
9. 引刀一快 2018-11-20 10:34:19
基本上,依家連廣州人都開始中意食辣嘢,祿鼎記陸小鳳海底撈呢種溝now妹嘅景點唔計,榆城、小洞天、鼎盛等等,坐滿一半都係廣東人,人口流動嘅融和力量不可小覷,不單帶來習慣,還會感染,衝擊傳統。

祝博士先拔頭籌,食辣贏汪先生。

10. 推倒樓市 2018-11-20 11:08:38
冇啲咁嘅事, 係你有你做貴野我有我做平野啫, 唔係唔俾做呀, 司法覆核囉。
11. 寄生蟲阿笨 2018-11-20 12:06:51
不甘後人 應為 不甘人
12. 不甘人後 2018-11-20 13:14:34
十哥, 食完早餐食晏未呀, 租都頂唔住啦。

太古城3房套呎租34元 1個月跌25%
資料顯示,上月美菊閣另一低層單位以月租4.1萬元獲承租,實用897方呎,實用呎租46元,現同類單位呎租下跌25%。
13. 十郎 2018-11-20 14:41:42


      12樓 ------ 唔係嘩 ! 幻覺黎丫 ? 仲平過荃灣 !!!???

      講現實的 , 我唔想架 , 生活得好地地 , 一路咁落去就滿足到了。

14. To 13 2018-11-20 16:06:20
同街舖一樣, 晒左幾個月太陽, 咩都係番度, 又係老問題, 業主係咪可以唔租出去? 唔減租係咪租值冇跌過?

中原副區域營業董事趙鴻運表示,太古城美菊閣低層F室,實用面積897方呎(建築面積1001方呎),屬3房套間隔,業主7月初放盤,叫租38000元,最終願減7200元或19%,以30800元將單位租出,實用呎租34.3元。

內房在港好快會發覺而家造精裝修等於白造, 不如賣清水房, 有 20% 散貨空間喎。
15. al70 2018-11-20 21:08:44
跌30%冇必要减辣*
地產商賣新楼-連AA佣7%+折扣優惠比客都有30%。。再加辣差5多。。
跌50%,連税。。原本1000万都系6折左右,已经平左40%*
冇必要減辣。
如跌70%。。。原本1000万,都系300中左右,
个15%*税當打埋落楼价到。。
亦平左65%。。