瀏覽人次 : 14457    回應 : 13
幾時可以買樓
 
湯文亮博士
紀惠集團行政總裁
2018年11月7日

  我有時行街見到一些不大相熟的人,他們如果打招呼,不會問我食左飯未,而是問幾時可以買樓,不過,他們並不是真心發問,而是當我話現在不要買樓,他們便會說已經買了,而且升了不少,而事實上樓市在上升抑或下跌,我是會給予不同答案,倘若樓市上升,我會照抄誠哥的說話,如果有需要而又負擔得起,幾時都可以買樓,亦會有一些人話沒有需要,可不可以買樓,一般人認為沒有需要,就不應該買樓,其實點解唔得,只要供得起就可以買樓,老實說,在樓市上升的時候,我不夠膽叫人唔好買樓,就算講下都唔得,否則,很容易被人埋怨,因為那人以後會說當問我的時候其實是打算買樓,我話唔好他們立刻打消了念頭,現在樓價又升了幾多幾多,這隻鑊我揹唔起,所以我只能夠引用誠哥的說話。

  當樓市下跌,我的答案又會有所改變,我不會給予一個時間表,是現在或者是不久將來,更加不會說有需要而又負擔得起的時候便可以買樓,我會說當大部分影響樓市的負面因素,例如加息,供應增加等出現之後,中美貿易戰亦有緩和跡象,而樓價又累積了相當跌幅,到那時候就可以買樓,因為當那些負面因素出現的時候,樓價一定會受到衝擊,一向以來,評論員都話買樓的人對加息是有所準備,加息是絕對不會影響樓市,但結果在美國加1/4%,香港只加1/8%情況下,樓市立刻出現明顯下跌跡象,所以,在負面因素並出現之前,最好不要買樓,但我相信,如果出現之後,就算我大聲疾呼都不會太多人夠膽買樓。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 例如加息,供應增加等 2018-11-07 10:19:36
在利率正常時, H 長時間在 5, 如果回報率也是 5, 一個租租 6 年內要望價跌 30 才有數圍
回報率 5 代表每月跌 0.41, 滄浪的海指數上周已經跌左 0.58
息同供應未加已經追跌
2. 隨時 2018-11-07 11:34:08
上年博士話遲些大造就可以有很多選擇,現在又說大聲疾呼都不會太多人夠膽買樓。
話唔定下年他們又問幾時才買到樓。
3. 現實 2018-11-07 12:05:46
跌起上來,核彈级剛需都消失了,人性都是趨利避害。
4. 核彈级剛需都消失了 2018-11-07 12:37:11
由 97-99 跌了一半, 由 99-03 再跌多 4 成, 都仲有 3 成淨
5. 真真薯片 2018-11-07 12:46:57
上年博士講既大造算係估計錯誤,因為地霸將d樓轉晒做罐頭唔賣

依家話要推售樓紙兩成,點知新地立即將大半單位轉做招標,地霸囤貨既決心,可見一班
6. 貨源歸邊 2018-11-07 14:04:03
發展商要貨源歸邊!
7. 引刀一快 2018-11-07 14:15:41
有咗大灣區概念之後,計算就出現好多變數。
8. 拉下來 2018-11-07 14:32:26
To: 8樓
是給機會再買而已
9. HKY 2018-11-07 14:38:47
樓價升幅 利潤的瘋狂, 蒙蔽了 貪婪投資者的眼,湯先生不断把他們拉 返來現實世界。
功德無量!  感謝呀!
10. MT 2018-11-07 19:35:00
想向各路高人請教一個問題,明日大嶼如果做得成,供應多咗咁多,香港樓價長遠一定升呢個金科玉律會唔會變
11. al70 2018-11-08 23:17:00
一班制毒,一班負责賣鸦片,
當市埸冇晒鸦片。。
个時可以入市。
12. 有幾長 2018-11-09 11:38:11
To MT:

這條金科玉律會唔會變,就睇你覺得「長」的定義有幾長,長過十年我就覺得樓價都係會升,但短期如二五七年內,我睇你想香港樓價唔跌都幾難。


13. 每個年代都有新市鎮 2018-11-09 11:50:36
70s沙田,
80s大埔,屯門,
90s天水圍,
00s將軍澳。

有幾多食幾多。