瀏覽人次 : 20427    回應 : 12
居屋千祈唔好與市價脫勾
 
湯文亮博士
紀惠集團行政總裁
2018年4月13日

  特首林鄭月娥見到居屋申請大幅超額認購,於是在立法會表示會考慮居屋售價與市價脫勾,搵地小組主席黃遠輝不同意居屋售價與市價脫勾,我雖然一向不同意黃遠輝在房屋政策上意見,包括多年前他贊成政府出招將樓價壓下去,可以令到更多人可以上車的說法,但今次我是贊成他的意見,不過,他並没有說出點解要反對的理由,只是話在日後計算補地價方面比較複雜,我認為這只是一個技術上問題,倘若要執行亦不會太困難。

  林太話考慮以建築價錢出售居屋,這樣做與當日政府以特廉價錢出售公屋一樣,的確是製造了一批業主,不過,那一班是未合資格的人,基本上不是公屋富戶,有些人甚至連首期也還未有,一於抽中先算,他們的防守能力薄弱,當樓價下跌或者其他原因,他們會將居屋扺押貸款,最後更有機會要賣走那些居屋,補地價費用則由買方負擔,那些買居屋無論是白表或是是綠表申請者,表示他們不會再有機會申請公屋,綠表申請者更加由公屋租戶變成沒有住所的人,我認為政府應該大量興建綠置居,讓那些公屋富戶申請,他們空出的單位可以讓合資格的人入住,而出售綠置居的利潤則可以用作興建更加多綠置居,結果是令到輪候上樓的時間減少,這是一個一石二鳥政策,居屋減價並不是一條良方。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 十一哥 2018-04-13 10:11:34
而家買得起居屋嘅、都要有番D身家、既然而家居屋咁嘅價錢都負擔得起…點解正苦仲當佢地係弱勢嚟照顧呢  ?
正苦要照顧嘅係真正弱勢…正在受苦嘅階層、務正業~起公屋啦!  置業~係個人努力~唔洗正苦多咀 !


2. 講多無謂 2018-04-13 10:53:03
坐等中原指數破200大關。
3. ~~~ J ~~~ 2018-04-13 10:56:15

  CY 已經辣完再辣, 將樓價盡量壓住咗咁多年, 但係當年D有能力買家仲係等完又等, 十分揀擇。


4. 樓蟹 2018-04-13 12:45:29
樓市供應最大問題, 唔係新供應不足, 係2手無法流轉。
5. 十一哥 2018-04-13 12:47:42
辣招阻截炒家外資、冇配合公屋供應所以失效、等唔到公屋…唔理租定買、焗住就撲去私樓、欄住有銀士…焗咗敢死隊上戰車。

正苦主力公屋供應…釜底抽薪、疏導冇力置業嘅需求、方為王道。

正苦點解唔做下人口普查 ?   仲係7百幾萬人口 ?  ?  ?  梗有原因嘅 !



6. 十郎 2018-04-13 14:35:49


      講到尾 , 政府都係等爆者 , 佢唔會蠢到學老董篤爆個市 , 給別人口實而攪到腳痛。

8. 十郎 2018-04-14 08:53:05


      的士判官ep15a。

9. Mr Lee 2018-04-14 13:37:21
此政策對已購入居屋者,極不公平。可考慮所有居屋免除補地價,在市場放售,加快居屋流轉。
10. 真真薯片 2018-04-14 16:23:51
房委會都想賺錢,居屋只要去到貨,唔係要減價,直頭可以加價
11. 十一哥 2018-04-14 21:09:56
居屋係跟市价嘅,可調整只係折扣,而家都維到8千過外、加埋地价???
12. 引刀一快 2018-04-15 02:29:03
大灣區內,中港融合步伐進度之快,超乎想象,今日搏條老命買天價居屋嘅“幸運兒”,過幾年就知道失咗喺大灣區買大屋嘅良機。
14. al70 2018-04-16 02:47:45
林太話考慮以建築價錢出售居屋,重點有几多拾个单位先?
内地有保护本土居民買楼權利,以免楼价受外來资金抄高,要有至少半年社保至可買新楼,但香港任由内地资金買新楼。而且二手楼吉盤少,連租约盤要6成首期,買家点比6成?
港人,内地人争新楼買,
而且新楼,
部份做5-15年*只供息免供楼。二手楼点争客源?
每年起3万都5夠la.


林太上任半年,做過乜?
以前特手都話吹下科技,中藥港,而家只識話中港融合。完全冇晒新產业自主发展方向。即是香港將來付属深圳衛星(屏障)城市不远矣。