瀏覽人次 : 11429    回應 : 2
單車位只不過是燒豬骨
 
湯文亮博士
紀惠集團行政總裁
2017年8月12日

  有女記者問我現在物業市場,是否炒到冇嘢好炒,竟然有投資者炒單車位,我見到那位女記者只是廿歲出頭,九成九未去過燒臘店斬料,在以前,大家去燒臘店斬燒肉,斬料的伙記會對那些買燒腩肉的人免費送一兩件燒豬骨,但久不久會有人話唔要豬骨,是否可以減收些少錢,伙記會話,燒豬骨是搭燒肉,要唔要都是收咁多錢,並且叫人用燒豬骨煲粥或者煲湯,仲話唔錯,幾好飲,不過,買叉燒的人叫伙記搭燒豬骨,大多數是攞唔到。

  今次單車位的交易,並非單獨買賣,而是與其他車位及電單車位一起交易,所以,我有理由相信單車位是燒豬骨,買家要唔要都不會改變交易價錢,老實說,在香港,賣單車容易,超過十萬元一部單都能夠輕易賣出,賣單車位難,業主一定不會在單車位停放貴價單車,因為很容易被人偷走或者破壞,唯有學大業主方法,當拆售其他車位時,單車位是免費贈送,否則,要單獨賣走每一個單車位,我相信不是一件容易的事,雖然在燒臘店門口有燒豬骨單獨出售,但價錢就很相宜。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 真真薯片 2017-08-13 18:55:24
單車位洗唔洗交管理費?
2. abcde 2017-08-13 19:23:09
咁差饷地租政府每季出唔出?