瀏覽人次 : 5026    回應 : 9
地王流標之毫不專業的專業
 
湯文亮博士
紀惠集團行政總裁
2018年10月18日

  在山頂地王未開標之前,各專業測量師紛紛估價,由平均呎價8萬至12萬,幅度都幾闊,如果玩in-between ,想輸都很難,結果出乎大家所意,幾位香港有頭有面有錢的地產商都出唔到價,政府唯有收回,有一件事很奇怪,我聽唔到有測量師解釋點解地產商會出手咁低,其實,地產商沒有出低價,或者比市價低少少,但在現時市況,這亦是無可厚非,而事實上是測量師太樂觀,不知道樓市已經轉勢,以為仍然高高高,所以,我認為今次專業的測量師表現得毫不專業,而且沒有一位曾經估價的測量師出來解釋一下,有點令人失望,如果估中,結果就完全不同,大家一早就會收到短訊。

  今次證明了一件事,就是出錢的人最專業,地產商在樓市轉勢時出高價買地,就變成今日大膽,明日大鑊,很多人話地產商執死雞,老實說,係都唔出奇,不過,今次被專業的測量師破壞了計劃,如果不是估價太高,政府有可能會出售山頂文輝道地皮,現在當然不可以,會被人話官商勾結,死罪一條。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 真真薯片 2018-10-18 10:25:36
流標反映地霸既壟斷地位,聯手壓底地價減低成本,鹽手罷賣擠牙膏浪住樓價,中間就賺到盡

當然,一個大浪打埋黎,只要每個屋苑有十個八個業主冇著褲裸泳,說算地罷全面罷賣,整體樓市乾跌兩成都係無可避免
2. To 1 2018-10-18 11:16:48
片哥, 哩啲唔係民生柴米油鹽, 係孤芳自賞奢侈野, 起好可能十年都賣唔出一間, 如果你用四百億買一幅名畫, 一年內轉賣唔出要交拍烏蠅稅, 你話一年後售價係咪要一百億一百億咁劈落去?
3. 貧富差距 2018-10-18 12:03:57
認同一樓所講。但問題是每個屋苑絕大部份過去業主都已經供完樓,所以最終那10個8個銀主盤會落入這批有實力業主手中,而不是落入政府希望幫上車的窮人手中。

所以每一波的樓災之後,整體物業貨源更加歸邊。
4. 真真薯片 2018-10-18 14:18:26
2樓,呢d真豪宅,當然會左手租比右手,好似油畫咁擺係度等人問價,等足幾十年,正苦已經默許左手租右手避稅,空置稅影響不大

3樓,有錢業主擇肥而噬,當然會狠狠地壓價,反而助長樓市跌勢,不過跌完之後,貨源更加集中強者手上,之後樓市更穩,係事實
5. 腥港人 2018-10-18 14:21:38
回3樓,有左發展商財仔按之後,呢個遊戲喺新樓都可以重覆玩一次。優質樓歸邊係正常,普通樓都歸邊就難矣
6. To 4 2018-10-18 15:29:06
之前已經講過, 收租 com 要交稅交租 com 冇得扣稅, 條文未寫出黎, 到時有 anti-avoidance 條款, 發錢商便捉正大蟲, 實行智能家居搵機械人開燈熄燈開水喉閂水喉扮有人住矣。
7. 十一哥 2018-10-18 16:26:32
正苦底價~進取~其實蓄意玩流攤、陀地大袋同正苦眉來眼去、睇通班老表托唔到水龍就冇得攪亂檔、大家趣趣地出執鷄價、預咗流標~靚嘢冇冼擔心比盲毛吞一件少一件、留得山頂地…那怕買唔番、下次陀地圍一圍…正苦克制配合、攤凉先食。

8. TO 5 2018-10-18 16:28:52
点样的樓才算系優質樓?
9. 文輝道豪宅 2018-10-18 19:13:54
不能說是地王,最多只能說是豪宅地流標,因為面積有限,只是地段是在山頂,尺價較高而應該稱為豪宅而不是地王。
既然政府要求發展商要限期內賣樓,發展商明知豪宅難賣,當然不會再增加豪宅地皮,待政府官員發覺政策有問題才改變策略。
未來豪宅與細價樓的尺價差距相信只會越來越少,甚至乎細價樓的尺價會貴過豪宅尺價,其實租金尺價已經出現,越細單位,尺租越貴。