瀏覽人次 : 7044    回應 : 15
買樓好似食大閘蟹,等大造才買
 
湯文亮博士
紀惠集團行政總裁
2018年12月7日

  友人在幾個月前請食大閘蟹,有個好聽的名字,叫「六月黃」,其實是BB蟹,不但只得小小黃,蟹身亦非常削,於是我話膽固醇太高,一年只可以食兩三次大閘蟹,等大造才食,唔好浪費Quota,較早前老友話九圓十尖,九圓啱造,我又話唔食,圓即是乸,蟹羔好似咸蛋黃一樣,唔覺得好食,都係唔好浪費Quota,到最近,公蟹大造,我請食大閘蟹,老友話心領,因為這兩三個月食得太多六月黃及蟹乸,膽固醇太高,醫生唔准再食,明年請早,真浪費。

  有很多香港人都好似我老友一樣,明知自己膽固醇過高,不能多食大閘蟹,最好辦法就是等到季尾,公蟹大造,又平又靚的時候才食,但他們大多數都受不了誘惑,食完六月黃食蟹乸,又貴又唔係咁好食,到公蟹大造,又平又靚,他們又唔能夠食,其實,買樓的人有同樣心態,今年初,無論買新樓或者二手樓,都冇乜選擇,買新樓入左飛之後仲要抽籤,抽得到都未必好,買二手樓仲慘,有錢都只能夠買到二樓後座的單位,慘過食六月黃。

  近兩個月就比較好,新樓因為認購率不足,有錢可以慢慢揀慢慢買,最緊要是不用抽籤,啱就買,唔啱可以唔買,如果有心買二手樓的話,隨時可以買到一些平靚正單位,不過一定要花些少時間去搵,感覺上都好似食蟹乸一樣,久不久都有一隻唔錯,不過是可遇不可求,隔多幾個月,大約在春節之後,形勢就會完全不同,將會有多個新樓盤推出市場,樓價不但比現在平,而且會有更多選擇,更多優惠,去到新樓售樓部所得到的待遇,就會感覺到這才是買樓。

  至於買二手樓,買樓的人會感覺到自己是白武士,救萬民於水火之中,任何不合理的還價都有可能被接受,賣家還會千多萬謝,理由很簡單,因為太多放盤,大家都知道物以罕為貴,點解要在缺盤的時候去買樓,不如等大造才買,就算買唔到都開心。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 真真薯片 2018-12-07 10:26:20
博士16年中都講過大造論,之後出現一日賣3000個單位既紀錄,但係再之後就擠牙膏了,地霸會唔會大手出貨?超人可能真係會,但佢得2500個單位,唔係特別多,劈價出貨可能賣三四次就賣晒,兄弟同四叔都係擺明囤貨,大造供應從哪裡來?
2. To 1 2018-12-07 10:41:40
孖兄弟唔知, 不過氣促其實好識做嘅。
4. 十郎 2018-12-07 11:51:25


      蟹都會番生。

      279又10合一 , 蟹股番生。



5. 真真薯片 2018-12-07 13:16:46
孖兄弟個海旋獲批滿意紙,話明會繼續招標遂粒賣

要等既話,似乎只可以寄望樓神出年賣既超人盤
6. 滿意紙 2018-12-07 13:56:15
孖兄弟賣成點,睇吓最近婷婷個樣就知啦,同談笑風生嘅神有冇唔同?
7. 膽固醇 2018-12-07 14:09:53
膽固醇作為飲食指標美國,英國,日本等國家已經早二年前取消了,香港還是這麼落後!壞膽固醇LDL不是心臟病的主因,氧化了的膽固醇才是重要原因,反而高糖份,高炭水化合物和Omega6的太多的植物油才是心臟病的重要因素,所以博士去茶餐室少吃高炭水化合物呀!
8. 真真薯片 2018-12-07 15:15:15
孖兄弟氣定神閒,將貨尾大手轉租,同超人切脂,信念有根本上既分別

不過超人係關鍵時候割蓆,唔入選改革開放功臣名單,一星期後大家發現唔入圍先值錢,真係唔到你唔服
9. 分別 2018-12-07 15:30:21
苦中帶樂,樂中帶苦,上帝原是公平的。
10. 湯瑪斯 2018-12-07 15:59:58
博士可能冇乜留意近幾年既醫學研究。近幾年既醫學研究唔單止為雞蛋平反,也為含大量飽和脂肪的肥肉、動物及蛋的黃平反。適量飽和脂肪對人體不但冇害,反而有益。人類吃多些飽和脂肪無大礙,很多身體器官需要佢,多左會排出去,最緊要唔好食反式脂肪(好難化解和排出)。仲有,體內有太多膽固醇主要不是來自食物。唔講咁多!博士自己上網睇啦!事關呢個平台唔係講健康資訊既。
11. 湯瑪斯 2018-12-07 16:20:10
121日,荷蘭光刻機龍頭大廠ASML的元件供應商Prodrive發生工廠火災,ASML是目前全球最先進極紫外光刻機(EUV)的唯一供應商。在今年4月,中國最大的晶片代工廠中芯國際向ASML訂購了一套紫外刻光(EUV)設備,據悉這是中國目前所訂購最先進的晶片生產工具,預計2019年交付,總價值1.2億美元。現在該設備已燒燬。令人懷疑有人出盡手段破壞中國高新科技的建設,特別是5G技術的發展。加上華為公主幾日前被捕。中美貿易戰好難收科,有排打。這大環境下,中國和香港經濟存在好大隱憂。未來樓股宜看淡!
12. To 11 2018-12-07 16:51:27
係呀,係咁㗎啦,想買件嘢揼石仔咩?運到上船上飛機都炸沉佢,要自己諗計啦。
13. 引刀一快 2018-12-07 17:01:25
問題不在事件,而在態度。
14. 樓市假蟹公 2018-12-07 17:24:47
真正蟹公要香港衰到貼地才出現,例如sars時。 博士,似乎對中美格局十分樂觀。
15. 到貼地才出現 2018-12-07 18:23:08
原來有個地叫 Downtown。
16. 大吉利是 2018-12-07 18:39:14
一個叫揾笨
一個叫該煨
一個叫 Downdown