瀏覽人次 : 21692    回應 : 39
物業代理的本性是鋤弱扶強
 
湯文亮博士
紀惠集團行政總裁
2019年1月17日

  近日地產商不斷劈價賣新樓,甚至大幅低於同區二手樓,令到去年買了樓的人非常擔心,老C於是安定軍心,開出樓價最多跌三成這張期票,友人問我有何意見,我話老C是業界泰山北斗,佢話跌三成就跌三成,不過,這句說話不是安慰那些買了樓的人,而是對地產商說,新盤如果要賣得好,就請劈價三成。

  雖然有評論員話樓市已經從谷底回升,地產商根本不用劈價賣樓,我對這個說法有所保留,首先要睇提出這個論點的評論員分量,二打六的不說,就算最有分量的樓市評論員都不能與老C相比,老C話跌,其他人又怎可能話升,我們再睇下物業代理對地產商的態度,有人話可以用專橫跋扈來形容,我認為是過份了一些,不過,無可否認現在是買家市場,就算物業代理專橫跋扈對地產商,都是代表那些打算買樓的人,向地產商爭取最佳權益,似乎他們又做到,已經有不只一個地產商劈價出售新樓盤,似乎這個情況會繼續下去,物業代理叫這是小陽春,劈價賣樓怎可能是小陽春,起碼對地產商不是,對物業代理來言,劈價賣樓,成交量大增,的確是小陽春。

  地產商財雄勢大,持貨力強,怎樣可以迫他們賣樓,咁樣就要靠老C,佢話新樓跌三成,即是話俾地產商知這是底線,如果唔跌三成是很難去貨,地產商收到這個訊息之後,除非不用物業代理,否則就一定要減價接近三成,所以,老C可以咁大膽話新樓跌三成,有人唔明白物業代理點解有能力這樣做,其實,物業代理的本性是鋤弱扶強,現在地產商弱勢,一定俾物業代理鋤到暈,小市民應該多謝物業代理,最唔抵的就是地產商,俾人鋤到暈之後還要付高佣金。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 真真薯片 2019-01-17 10:17:08
大地主四叔繼續囤貨,兄弟攞支單棟樓出黎賣萬八蚊呎,算唔算劈價?

劈價主要係中小型地霸,尤其是內房,同埋遲d超人應該會勁劈康城,上年萬八蚊買康城既人的確大鑊

2. To 1 2019-01-17 10:28:42
片哥, 兄弟響隔離街山上, 隔日賣幾間幾億樓, 哩個盤要婷婷粉墨登場簡直係侮辱左佢, 一間都賣唔出都冇所謂。
3. 真真薯片 2019-01-17 11:33:05
地霸都有分大中細,最大地主四返,兄弟同細粒墨擺明坐貨,跟住既會記信和想散貨,信和比較狠,堅劈,會記肉赤唔舍得,於事企係人地後面等人劈完炒起個市,自己推盤就首輪搵幾十個單位扮劈,之後人頭湧湧就加住推,其他中小型地霸,內房就盤劈都係山卡拉,數量同影響有限,最有心又有力劈既係超人,數量大又劈得劈

雖然肯劈價既地霸其實唔多,不過只係超人,信和加幾個內房都有好幾千個單位,二手業主冇得同佢地鬥,二手出唔到貨,二手指數幾難有運行
4. 擺明坐貨 2019-01-17 12:48:35
唔係同片哥同期有位副署長撰長文講, 農地一係耕田一係起樓一係唔續租, 免正苦被要脅咩?
5. 鳥5 2019-01-17 13:00:08
梗係大鑊啦 ,平半開 區域同街同價, 街坊仲唔玩 先買後沽 自己樓 咩.. 賺取樓宇 折舊又可以賺 槓桿 加大按揭權.. 新樓喎.. 全區最專貴, 收樓後平 一成 都有著數啦... 但同佢地入咗屋入夥後, 係唔係指跌一成呢???? 發展商咁蝕章? AK47 都驚後事, 戰狼300 勇士 排隊上車。。。 後市你話大家點睇? 心中有數
6. 鳥5 2019-01-17 13:12:17
而家發展商, 首要任務, 不論劈5劈, 係做好 財務報表 靚靚仔仔。。。 坐貨越多, 就越繁。。 隨時融資成本急增, 本來冇事 都可能受牽連
7. 鳥5 2019-01-17 13:14:01
如果新常態年尾仲係咁, 表面平靜 其實仲大鑊
8. 鳥5 2019-01-17 13:15:03
週街筍盤, 真係執得過...
9. 鳥5 2019-01-17 13:17:52
桃花可棄 不可平賣, 如果 長期指半年 真平唔係扮。。 咁後事就大鑊
10. 鳥5 2019-01-17 13:33:41
老C, 個本位 角色 最大利益化 根本就係創造成交.... 不論誰輸誰贏...
11. 先買後沽 自己樓咩 2019-01-17 13:35:15
鳥哥, 果頭啲樓, 又漏水又剩, 就黎冧咁滯, 買到嘅就買到, 買唔到嘅就買唔到, 如果交間舊屋出黎, 換間綠置居又點話? 舊樓交返俾市正苦之城投發展, 用黎發行顏色債, 唔駛假手於人。
12. 湯瑪斯 2019-01-17 15:51:58
「凱匯減價之後,跟著到天鑽,Downtown 38,還有很多減價盤跟著來」。博士在凱匯減價之後話小陽春提早出現。點知喺1月初有一位物業代理公司總經理話得一個凱匯減價清袋,唔算係小陽春,重話訪問佢問佢點睇小陽春嗰個財經記者係新人,唔識野,教導左嗰個財經記者半粒鐘云云。我見到該篇文章就立即留言話如果嗰個財經記者信佢,四圍同人講冇小陽春,萬一續有新樓盤減價大賣,該記者一定俾人笑到面黃,到時就真係多得呢位總經理唔少。幾日後天鑽話劈價賣樓,而且好多人入票。

今日睇新聞,原來2018年新推出既一手盤只賣出約一半,市場上有成九千個貨尾盤。有空置稅呢個追兵在後,呢九千個貨尾盤想賣得出,惟有劈價。劈價應該有承接,因為好多香港人相信「唔買樓都有風險」,所以生借死借都要買樓。咁香港樓市既小陽春,一如博士所料:提早出現。

13. 鳥5 2019-01-17 20:21:31
11/F,哈哈。。。 我只係形容, 嗰個街坊 禮橫踢拖 著條底褲就去沖十足十斯巴達勇士 啫。。。
14. 鳥5 2019-01-17 20:28:31
現况背馳呀!攞左牛一巿果發達 秘笈... 百鳥正在林 ,搵緊一鳥在手... 不過在下係睇到牛轉熊。。。 莊家唔佣唔送車位直接減價踢貨。。。 技窮。。。 a a 唔係唔夠貪, 唔係唔夠人 係唔夠快量唔夠多 牛轉熊特徵。。。
15. 鳥5 2019-01-17 20:48:40
12/F.有見地, 空置稅係 袋型戰術,中色 打法。。 先鞏固 後方 由後打上前。。cy 嗰啲 由前推進。。 頭孢一書 佢就 被動
16. 鳥5 2019-01-17 20:51:10
在下上年第三季 仲估今年第二季困鬥 而家似 開緊波.. 論發展商一方, 紀律 ,實力, 比在下想像 好似約咗啲
17. lc1 2019-01-18 00:00:29
地產商都唔係傻仔,可以賣貴佢地唔會賣平,只係佢地既成本實在係低先可以平賣過最高位賣比民市,如果個個盘都似龍床盤噤全部AA 都要食谷種,因為香港人係痴線唔係傻,你要佢高價買係無問題,但唔係市唔就既時間,前景唔明確連李家誠都話今年麻麻地,你唔打返個七折有錢都唔同你買啦,可見地產商hold 貨還hold 貨都肯主動平賣兩三成就知之前佢地食水有幾深,如果我係地產商,與其賣得貴,不如買得平,反正地價先係地產商重主要成本,如果賣平比你,政府以市價定地價,地產商重係有數圍,壓力在於政府而不在地產商,試諗下如果地產商堅持高價慢慢賣,而佢政府跟市價黎訂地價,地產商就會變成長期慢慢賣,E D 叫隨笨有精,長玩長有,真正會輸既只有摸頂買樓既人,不如睇下佢地既成本先買啦。
18. lc1 2019-01-18 00:25:29
對比返大陸既賣樓情況,香港地產商完全唔怕買左樓既业主,低二三十個%放貨,我覺得噤先係強既表現,因為地產商睇淮,你買得一層都買唔到第二層,同你做branding 都side 氣,我覺得完全係地霸既行為,做開生意既朋友就知E D 叫穫禾青既做法,與奇話地產商係弱勢,我更覺得佢地先無敵,3,4 萬個AA 為生計捉客無論你比幾多 % 佣金,佢地都係駁命,因為曾多弼少,而買家方面也一樣,有錢既人多,好回報既投資少,打左七折收同樣既租試問邊度搵?,最後還是供應商條件比較厚,我覺得比1 % 還是有 AA 會去做,只不過不是四大行玩晒噤解,其實有好多少AA 行跟本無得去玩新樓係 四大行財大氣粗,買好多7000 蚊底薪既人不停吸晒所有市場份,萬一地產商減佣,老C 都一定係收宿收場,到時小地產AA行重有見天之日,話時權我覺得還是在地產商手中。
19. lc1 2019-01-18 00:49:22
一搬買家都係買一層起兩層只,好少話有買十層八層由其而家既法例,你見D 超額認購噤勁,其實每個買家都入三四張飞,做左個勢出黎,D比較買得少既買家就會急起上黎追入,實情地產商心知肚明,四五倍既起購其實只係岩岩好夠飞未計唔買撻訂既買家,十倍既話意味住佢推果一批應該可以賣晒,但唔等於可以cover 佢成個盤既數,所以每次推盤也只能就住就住,因為推唔晒就會滯銷,而買既都係心理關口,賣得晒,好似好好市,買家先會追入,噤下一水推就會相對易做,實際上都係以最貴既價錢去賣以收最高效益黎做,所以買新盤其實任你點買你都係會輸,輸唔代表你唔搵錢,而係表代你搵得比較少,但輸,你必定輸最多,有趣地以我所見買家都係唔理智,無乜邊幾個買家可以講出三年內會有咩盤出,同出幾多,但係就將成世人最大既投資放左係賣樓果幾個鐘度,一黎係AA口才好二黎係地產商識搞氣粉,我覺得同賣IPO一樣,讀過finance 既就知我講乜其實IPO 係人地走佬既門徑,只有D 羊股民先借錢走去追。
20. 湯瑪斯 2019-01-18 16:25:56

上面18樓話「香港人係痴線唔係傻」,我見過痴左線既人,佢地肯定係傻人一個。從股樓的情況來看,我覺得好多香港人係瘋狂。瘋狂唔同痴線或者傻。瘋狂掃貨、瘋狂賭博、瘋狂排隊買樓。呢啲人其實唔係痴線或者傻。你何曾見過青山走出黎排隊買樓既痴線佬?

不過講到瘋狂。我想起有句說話係「上帝要你亡,先令你瘋狂」。香港咁多瘋狂既人,所以每次樓股暴跌都有好多人中招。

21. 湯瑪斯 2019-01-18 16:25:57

上面18樓話「香港人係痴線唔係傻」,我見過痴左線既人,佢地肯定係傻人一個。從股樓的情況來看,我覺得好多香港人係瘋狂。瘋狂唔同痴線或者傻。瘋狂掃貨、瘋狂賭博、瘋狂排隊買樓。呢啲人其實唔係痴線或者傻。你何曾見過青山走出黎排隊買樓既痴線佬?

不過講到瘋狂。我想起有句說話係「上帝要你亡,先令你瘋狂」。香港咁多瘋狂既人,所以每次樓股暴跌都有好多人中招。

22. 鳥5 2019-01-18 17:01:30
18樓 有見地 香港地 做 蠢仔生意 , 做到 但量唔多。 賭仔 仔生意 好做好多 個個姓賴, 今年黃大仙 下年車公 今次a專家 下次b專家 ,輸完又嚟賭過 條橋一樣 , 又係嗰鋪21點 玩法一樣。。。 響市場策略 係要有 次序。。貪由再到癡。。再到嗔。。 比較抽象難以表述 但係呢個係人性事實
23. 鳥5 2019-01-18 17:09:12
香港地 搵個蠢 就難 ,搵個 貪,財街係 把口就唔係。。。 我睇到就係咁啦。。。 如果 越巔 就越贏得多 人性 ,就會作出最理智選擇 鬥 巔。。。 再以何種形式何種理由證明自己唔 癲 係合理smart。。。 一旦市場逆轉 個人思維 未能急速調節。。。 就係書都唔走。。。 錢作怪 貪嗔癡 佢哋真係 蠢??

24. 鳥5 2019-01-18 17:19:33
當成功例子無限放大,失敗例子隱藏 。一個更叻嘅數學家 都會偏向成功例子去計算值博率 。睇到嘅數字出嚟嘅 結論,就有唔同 。。魔術師係會以觀眾角度去睇魔術師 更理智嘅人更聰明嘅人都鬥唔贏。。。。 手指 ,雨天上星星 並存, 當你睇到手指 就唔見咗粒星 邊個係人牲。。。。
25. 鳥5 2019-01-18 17:23:42
人在山中不見林 ,當見山林不在山。。。 
26. 鳥5 2019-01-18 17:29:19
資產泡沫 重點在於泡沫 無限資金進入 該 資產 .一旦資金逆轉就會爆破 結論並非 該資產是好或是壞.. 重點在於資金
27. 鳥5 2019-01-18 17:46:39
我都唔知點講 當一個人30樓, 300呎 張床響窗台 。。。向外望住臭崩崩屯門河、 喪失三十年 財務自由... 但係個 樣 。一好像  ,訓向 千萬(現金), 以 尊貴嘅眼神望向 ,地面嘅窮人 ,咁樣咁開心..... 試問閣下 邊個好啲呢????
28. 鳥5 2019-01-18 17:49:46
如果你認為以上故事 有同感.. 咁我話你聽 而家就係發生緊.. 只不過望住隻手指.. 見唔到粒星星...唔知大家明唔明..... 爆咗煲 未瞓醒
29. 鳥5 2019-01-18 18:19:56
在下已經盡最大努力 兜巴打醒 一個發緊夢嘅人 但係扮瞓覺原來係叫唔醒....
30. 朱龍正 2019-01-18 23:09:42
粉嶺高爾夫球場必須收回建屋
來源:香港網
粉嶺高爾夫球場佔地170公頃,面積相當於居住了約 50萬人的荃灣。政府只象徵式的收1,000元地價,只有2,660個會員,二百萬香港人居於劏房,此乃官商勾結的最好例子,要知道粉嶺高爾夫球場的土地是香港的土地,是香港人的土地,不是權貴的私產。百分之九十的香港市名認為粉嶺高爾夫球場應收回建屋,此乃一顆巨型炸彈,是為2千權貴娛樂,還是為2百萬香港市名解決居住問題? 香港是香港人香港,不是權貴的香港。
2018年7月19日一對新婚夫婦租住深水埗唐3樓一個劏房單位,因住屋問題鬧不和,丈夫在劏房內以床單上吊自殺亡。

2018年9月7日90後情侶元朗崇山新村鐵皮屋內用繩索自縊亡,女死者為大學生。

2018年9月8日 25歲男仔在油麻地佐敦道19至21號一劏房單位內燒炭亡。

2018年10月8日深水埗大南街216號劏房男殺人燒屋跳樓亡。


2018年12月17日中年保安大埔劏房烧炭寻死, 妻子揭发救一命。

2018年11月14日以網吧為家的打兩份工的好爸爸在元州街152號網吧桌上死亡。該好爸爸無家可歸,為省下租劏房的錢,四年以網吧為家,每月1400元夜晚在網吧度宿。

一個人咁樣生活,是香港低下階層悲慘生活的寫照,香港還有很多劏房租不起,網吧度宿也租不起,睡在快餐連鎖店。連動物都不如。
公屋申請30萬,居屋申請27.2萬,4人家庭計共有200萬港人等上樓,200萬基層市民正租住劏房!

對比富豪1千元租荃灣面積的地方,玩高爾夫球,二百萬香港人住在劏房裡。與情與理,港府不要再官商勾結,順應潮流收回高爾夫球場,解決香港人燃眉之急!
31. lc1 2019-01-19 11:06:38
我重記得黃子華搞個talk show , 佢係噤型容香港人,如果買魚旦既人見到前面買果個人多左一粒魚旦,噤後面果個人唔係要求祼多粒,而係要前面個人減少一粒。拆左個golf 場係為左解決住屋問題定係心理問題?改變工廠用途又話怕益左D 商人。
32. 鳥5 2019-01-19 20:21:12
放心,30F, 以任志剛 發表 香港房策內容去睇 高地產已經搬咗龍門.. 今次美國剪羊毛週期,政府係會舊日子同上次一樣救人質  ,不過係唔會 救 馬騮唔會 救 郊野公園 更唔會 救海豚, 只會夠人只會救人質劏房戶。。。。 至於嗰啲專櫃嘅環保分子 住響私樓嗰班嘅係可能要排龍尾 。。。。 在下都唔講得咁白... 得閒睇下任志剛100元發表嘅房屋政策文章...
33. 鳥5 2019-01-19 20:24:39
揾地小組 ,公開討論 ,係戰術嘅一部份。。。
34. 鳥5 2019-01-19 20:30:54
政府早半前,而已經 真金白銀 請咗 百 幾二百人, 而家響中地農地掃緊長。 由論证,工作目標,到掃埸任務。目標最少半年前已計劃。。。 土地小組只係 戰術 其中嘅一部分
35. 鳥5 2019-01-19 20:42:53
如果睇完任志剛18年嘅文章 ,目標 係 土地持有者 打破壟斷權 矛頭直指發展商地 霸。。 自己去理解下... 千祈唔好人話係你話係覺得事實就係。。。 小 疑 小 悟 ,大疑大悟。。。 關於美金週期 嘅了解 比任何而家任官僚 都清楚。。。。
36. 井 2019-01-19 23:37:52
12月頭開賣,就算只係推左27伙出黎
個半月既今日,都仲係只賣出2伙,究竟發展之後仲有d乜野銷售策略?果兩伙人而家既心情究竟係點呢?
37. 窮人思維 2019-01-20 08:34:06
講了一大堆,原來還是旨意政府打救。以香港政府現時的實行力,搵到地又點?社會冇共識,為反而反。14億存款,加上堅強的信念(樓價必升),依家其實大家都只不過在搵緊位入市或是加注。
38. to 36f 井 2019-01-20 11:37:25
Ten years challenge


39. 湯瑪斯 2019-01-20 20:46:04
36樓講緊嘅係屯門龍床盤菁雋,據悉「菁雋擬於春節後推出新優惠吸客,但未有正面表示會否減價。」
好多樓盤嘅貨尾將於農曆新年後減價推售,包括龍床盤。我估除了龍床盤,劈價二成應該有承接。龍床盤則需劈四成或以上才有理想承接,否則想賣出一半都好難。睇黎龍床盤發展商進退失據,佢哋唔會想到劈四成吸客,相信呢個盤起碼有一半賣唔出,發展商成為全港最大嘅一隻樓蟹!