瀏覽人次 : 3523    回應 : 16
當勇武和理非割蓆,就可以鋤價
 
湯文亮博士
紀惠集團行政總裁
2019年10月14日

  有鍾意玩社運老友帶了一份手信到公司,我知道他無事不登,況且我近日很忙,於是話除了政治,有什麼訴求,原來老友打算買樓,當然亦打算鋤價但現在佢覺得那些物業代理鋤佢多過鋤業主,明明形勢不佳,指數連續下跌7個星期,仲話指數未反映9月中美國減息,言下之意,即是樓價有機會調頭回升,老實說,連阿茂都知,就算美國減息,最多令香港唔會加息,這又怎可以算是好消息,社運的負面因素連提都唔提,老實說,現在買樓唔鋤價,就對唔住老祖宗,所以專程問我怎樣鋤價。


  鋤價是博大精深學問,是物業投資的文藝復興,要鋤價,首先要了解對手,但今次我先要了解老友,原來玩社運可以玩到買樓,我以為只得鋒哥一個,原來大有人在,咁樣情況,樓市應該很難跌,因為除了玩社運人士可以買樓之外,老對手在這幾個月開了很多OT,隨時可以夠交首期,因宜產生了不少購買力,而且中美貿易戰緩和,樓市有機會回穩,打算買樓的人唔好鋤得太狠,否則又會失去一個機會。


  言歸正傳,究竟如何了解對手?簡單來說,如果是單一業主,就要睇對方是否等錢用,如果唔等,即是佢唔打算賣樓,俾到價都唔會賣,明知買唔到,不妨鋤得深一些,玩下佢都好,如果對方等錢用,就應該俾個合理價,低市價少少都可以,當做白武士,如果是幾個人合股,就要睇他們是否齊上齊落,抑或各自爬山,如果由開始各人夾錢買樓供樓都是數目分明,共同進退,代表他們兄弟同心,很難鋤價,不過這些例子不多。


  在物業投資市場上,很多時都是幾個人夾錢買樓,當中一定有一個牽頭人,對樓市前景睇得非常好,借用社運的說法,他就是勇武者,其他入股人士就是和理非,很多時那些和理非對夾錢的事都愛理不理,他們會對勇武者話,既然一定賺錢,不如在賺錢之後扣回他們應該夾的錢,結果勇武者就要揹了條大數,雖然話勇武者和理非核爆都唔會割蓆,但唔夾錢就一定會割蓆,認清形勢,買家就可以鋤價,有機會買到平嘢。


  林鄭叫和理非和勇武者割蓆,我覺得佢真的是不清楚形勢,她應該叫勇武者同和理非割蓆,而事實上和理非搵勇武者老襯,社運開始至今接近4個月,拉了接近2,400人,九成是勇武者,因為在前面衝鋒陷阱的是勇武者,和理非只是在後面插科打諢,不但危險性不高,而且仲企在道德高地,對人講是他們不和勇武者割蓆,勇武者的確人如其名,好似呂布一樣,有勇無謀。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

登入ID 或 網名 密碼
1. 真真薯片 2019-10-14 11:10:52
警察開左超過3個月OT, 人工雙倍,樓價跌左兩成,問親朋戚友借少少,隨時真係上到樓,如果之後社運結束樓價升返,真係一鋪上岸
2. 暴徒不等於勇武者 2019-10-14 11:20:00
"勇武者"是褒義詞, 暴徒們絕對配不起, 請湯博士轉用"暴徒"或其他眨義詞形容詞, 謝謝!
3. O 2019-10-14 12:05:45
社運大佬就金腰帶了, 可憐D熱血後生仔做炮灰。
5. 鳥5 2019-10-14 12:52:56
過年後 失業率及標㗎噃 仲有過咗年 低價品從故 大規模哥窿喎 執平嘢不如等樓主盤 美孚去到一萬都冇人買 我個人認為未上車先祈唔好上車上車先祈唔好上車 樓市瓜咗
6. Fisherman 2019-10-14 13:01:01
To 2F
到今時今日,九成九傳媒人士都非常客氣地稱呼他(她)們是示威者,何必强人所難,
公道自在人心,不是舖天蓋地的文宣改變得了。
7. MT 2019-10-14 13:20:30
開幾個月OT就夠錢俾首期,有無咁多錢呀,警員人工三萬幾,當佢連續三個月出雙糧都係多十萬啫,幫辦人工六、七萬,三個月多廿萬都唔夠俾首期㗎。
8. 引刀一快 2019-10-14 15:31:42
呂布唔係有勇無謀,曹操肯殺佢,就係忌咗佢嘅粗中有細,同曹操一樣滿肚密圈。曹操手下武將,個個忠心耿耿,于禁咁嘅人已經叫做最差㗎喇,又點容得下呂布呢。
殺丁原,係因為睇到新老闆出手同潛力,殺董卓,係男性本能,呂布同荀攸、程昱果啲比,當然係唔及,同曹孫劉三個比,只係明顯輸俾曹操一個啫。

9. 暴徒不等於勇武者 2019-10-14 16:09:30
To 6/F
講得有道理, 無謂難為湯博士, 多謝指點
10. 鳥5 2019-10-14 17:02:04
示威,暴徒。兩者向法律其實好清楚。。係指行為。 根本就係暴徒。。乜9野和理非啫。。 你又睇下千5千到法官。。 只有律師千到啲當時人就得。。
11. 鳥5 2019-10-14 17:06:54
而家D人好得意,人多就覺得岩。。向法律上一萬人 ,違例泊車就一萬張告票唔會冇事。。 人多就合法我理解唔係法律。。。 啲人當咗律師係法官,律師話得就得啦。傻仔。。。 最後律師費你畀 監又係你坐㗎咋喎
12. 鳥5j 2019-10-14 17:10:04
香港開埠以嚟,印像中未有法官坐過監,律師就大把...
13. 引刀一快 2019-10-14 18:01:38
鳥5兄

的確,人多做唔代表法律,不過,人多做就唔係人錯,係社會嘅錯。
呢鋪陸續有來,有人唔想佢停,而且似乎唔止一邊。
14. 大鄉里 2019-10-14 18:07:29
治國如烹小鮮,烹小鮮要有主調,乜調味都兼顧無取捨,只能煑出一團亂局.

越捨越得,年青學生暴徒,不要同情,捨之越狠,冶亂越快.


15. 識編劇 2019-10-14 21:19:20


在香港,最開心就是香港街頭見到勇武者的蒙面黑衣人飛毛腿替身扮相表演,此是未來新電視台電影明星......香港導演真識編劇.



16. 鳥5 2019-10-14 21:52:50
15F, 香港電影入面好少侮辱警隊,因為有Law... 其實唔係好多人留意... 呢樣又覺得係好事
17. 鳥5 2019-10-14 21:57:37
而家參與暴力人數 係小咗 。。不過就極端咗 。。呢個係正常 自然現象, 以小打大通常都係不對稱 戰術 ,極端啲... 平常心啲會睇到... 等啦