瀏覽人次 : 10552    回應 : 27
睇淡不賣樓成主流
 
何熊輝
2018年10月6日

  近期外圍氣氛轉弱,私人及差餉物業估價署的樓價指數,近一個月已出現調整,只要該等指數在未來一月再持續下跌,跌市就可以初步確定,基於近期弱市由多方面因素構成,故可能出現的調整市,將會較温和,各類物業中,超升的細樓屋苑,將首當其衝。

  新界北的嘉湖山莊,沙田第一城及九龍的得寶花園等,過往數年,年年升幅均逾兩成,部份呎價已迫近市區優質的二線屋苑,單論呎價,早已非常超買,因此近期的調整中,該類屋苑的調整深且快。

  基於成交量少,個别單位的低價成交,就足以影響整體的樓價指數,但事實上,不少屋苑零成交下,其樓價根本就不上不落,但單看指數,就很易誤會樓價不斷下跌。

  低質三線屋苑率先下跌,較難引發整體的大調整,加上一及二線屋苑超升情况相對温和外,業主持貨力也相對較强,故減價盤並不太多。在這情況下,樓價難大幅下調。

  中美貿易戰壞消息不斷,股市疲憊不堪,股市較樓市慘太多,悲觀情緒充斥市場,但樓市中仍有太多睇淡又不沽樓的業主,加上尚有大批租客支撐局面,看跌業主也較少慌失失急賣離場。

我要回應
我的稱呼
回應 / 意見
驗証文字
 
登入ID 或 網名 密碼
1. 標題黨日日發功 2018-10-06 13:11:48
最近樓市標題黨開始發功唱大跌,始終有人要做生意,業主唔平賣邊有單開。
2. 香港土著 2018-10-06 18:44:25
閣下睇好,咁近一年有冇買樓呀?
3. 引刀一快 2018-10-07 00:05:04
香港土著兄

你呢個問題,恐怕全網就係得打工仔兄一個坦蕩蕩話有唧,其他恐怕都唔會回答你。
4. 香港土著 2018-10-07 00:20:35
哈哈...刀兄,正是。 一,唔敢賣樓者,主要係得一層自住樓嘅平民用家;二,大鱷點心永遠都係只敢止蝕,唔敢止賺,股市樓市亦如是。所以話,望住老散估走勢根本就冇意思。
5. 引刀一快 2018-10-07 01:19:18
香港土著兄

唔敢止賺,呢個真係精準嘅重點!
6. 倀鬼 2018-10-07 08:51:27
4樓將買樓當買股,當年可能止賺咗賣了自住樓(如有的話)。

今日係時機入番幾手啦,冧市嘛……呀! 差D唔記得買多間屋要畀15%辣招税。

幾時都話淡友最叻,不過賺唔到錢。

7. 正苦 2018-10-07 09:16:22
我們制定的辣招稅15%,原意就是不想市民不要隨便止賺止蝕或炒賣。
但是總是有些自以為是叻仔叻女,賣出自住樓等跌,結果上唔番車,還經常駡正苦做得唔夠,其實我們已經做到過哂了,返不轉頭,各位叻仔叻女,你們只能好自為之了。
8. 第一啖白粉 2018-10-07 09:22:19
咩呀?唔敢試呀?話咗妳冇胆啦。


9. Toby 2018-10-07 09:24:48
睇跌賣樓,以為低位可買番,就可賺差價,但事實證,睇跌賣樓,大多是輸家,睇跌買樓,反而是赢家,何解?跌市短暫,升市持續且長期。
10. 平民用家 2018-10-07 09:28:55
我層樓用來住。

止賺?邊有人嫌賺得多架,又升值又有得住,不知幾爽。
11. 望東樓 2018-10-07 10:02:44
"不少屋苑零成交下,其樓價根本就不上不落"

咁嘅嘢都講得出口,真係高人。
12. 標題黨日日發功 2018-10-07 11:07:55
7樓,自以為三個字可圈可點,哈哈哈!
13. 股神當樓神 2018-10-07 11:36:54
沽空,止賺。股神玩樓當然唔同平民用家。

不過邊有樓民200萬買層樓,升到250萬止賺賣走佢,然後400萬買番,380萬又止蝕賣走佢,等跌到350先入番,等佢升返420萬又賣走佢止賺。

止賺的確係唔叻仔的平民用家唔敢做的。
14. 引刀一快 2018-10-07 14:16:15
東樓兄

冇錯喎,大陸都用緊呢招呀。
15. 想上返車 2018-10-07 21:15:21
小弟是居住觀塘是租住的,多年前層和太太申請過政府首置貸款,因為樓價高及幫家人償還債務並6-7年前已經張當時的物業售出,現在都沒有物業,現在我已是四人家庭(我、太太及1子1女),諗住等樓市下跌買返,但現在樓價太高上唔返車,如果當時知道你的網頁,可及早向你學習, 可能我唔會賣樓,現在有d後悔
16. 金獅被劏 2018-10-08 10:44:38
二手冧價成交不斷出現,大圍金獅花園一個中層戶劈至420萬元易主,較兩個月前同類單位冧價逾兩成;沙田翠華花園也有高層戶以395萬元成交,屬該屋苑一周內兩度失守「四球」。
17. 香港 2018-10-08 14:06:37
業主睇淡唔肯賣樓點解?
同隻騰訊一樣.420時都睇淡唔肯賣.希望反彈少少先. 點知道......
結果係點有目共睹. 同1999年一模一樣!
18. 舍神 2018-10-08 14:38:36
如果是用家, 冇乜選擇,因為成本太高 (指等跌的租金支出)。SSD未過就更唔使諗!
只有手上有咁上下profit的才有條件大刀闊斧地減價!

早個半月, 仲可以反價甩貨, 呢個月, 成個市靜哂!

其實.....最後都返回實體經濟, 居民收入, 其中最重要都係裁員失業! 上星期, 身邊兩個50出頭的管理階層朋友被炒, 仲係即走那隻........not a good sign!


淪落到要賣仔(自住),一定係境況凄涼!會否發生, 一切都睇貿易戰的發展!

有懷疑,ja現金,訓得著覺最緊要!
19. 嘉湖冧價 2018-10-09 08:01:08
政府宣布6項房屋新政策後,樓市輾轉回落,業主出貨難度大增,只好削價賣樓,直接拖冧各屋苑樓價。其中天水圍嘉湖山莊樓價由6月底政府出招後一周至上月底,短短3個月勁冧價一成半,整體平均呎價更失守1萬元大關
20. 嘉湖冧價 2018-10-09 08:04:39
政府宣布6項房屋新政策後,樓市輾轉回落,業主出貨難度大增,只好削價賣樓,直接拖冧各屋苑樓價。其中天水圍嘉湖山莊樓價由6月底政府出招後一周至上月底,短短3個月勁冧價一成半,整體平均呎價更失守1萬元大關
21. 冷風吹 2018-10-10 08:01:24
本港樓市氣氛轉弱,多家大行預測樓價轉跌,本地銀行近月亦開始調低對物業的估價,有券商估計樓價受壓程度將會加劇,,並指過去數周銀行已明顯下調物業估價,較低的估價意味銀行將縮減按揭貸款。20個主要住宅屋苑中,10月份有七成屋苑估價按月減少的個案,走勢較9月逆轉,惟估價跌幅仍輕微,介乎0.5%至4%。
22. 睇跌入市 2018-10-10 08:52:03
領展房產基金旗下逾10個商場獲私募基金黑石集團(Blackstone)積極洽購,或將於短期內落實有關交易。 

涉及的商場包括屯門山景邨商場、鴨脷洲利東邨商場、沙田秦石邨商場及橫頭磡邨宏暉中心等,市場估值逾百億港元。 
24. 插水減 2018-10-12 08:35:54
股市昨天突如其來大冧市,業主進一步腳軟,上水單日就錄至少7宗減價,「少就約6.3%,誇張就減到13.8%」,如御皇庭3座高層H室兩房單位,實用面積377方呎,一日內由580萬元直劈至500萬元,「一下就劈咗80萬元落嚟,直頭係跳樓式減價」。同座一個同面積兼樓層相若的同室,今年8月造價仍高達548萬元,上址叫價低過同類單位約8.8%。
25. 爆搶居屋 2018-10-12 22:36:38
房屋委員會(下稱房委會)「出售居者有其屋計劃單位2018」(下稱新居屋)減價後於上周三(3日)至下周二接受額外申請,截至昨天下午5時,位於樂富的房委會客務中心已收到4.2萬份新增申請,連同首輪申請於今年4月截止時收到的15.2萬份,總申請數字已達19.4萬宗,即約44人爭一伙,勢超越房委會資助房屋小組主席黃遠輝估算的20萬宗。
26. 納米樓之王 2018-10-13 13:32:14
樓市升勢回軟,但市區新盤納米戶造價仍不斷創新高。新世界發展的西營盤單幢新盤瑧蓺,剛有一個極高層開放式單位以1025.2萬元成交,呎價約4.64萬元,再創全港開放戶呎價新高。九建油塘海傲灣周五(12日)發售162伙,市場消息指售出約40伙。
27. 烏哥 2018-10-15 07:49:46
未補地價二手資助房屋市道大受打擊,過去周末(13日及14日)市場湧現多宗二手居屋新低價成交,其中素有「千萬居屋王」之稱的旺角居屋富榮花園,一個3房單位以未補地價558萬元易手,呎價9426元,呎價創該屋苑未補地價單位的約一年半新低。天水圍居屋天頌苑一個中層戶則以未補地價210萬元沽出,造價回到2016年10月水平。
28. 發癲搶 2018-10-16 18:33:42
房委會數字顯示,樂富客務中心累計收到約7.2萬份的額外居屋申請表,即連同今年初已接獲約15.2萬份申請,目前累計收到多達22.4萬份居屋申請表,暫超額認購49.5倍、最少51人爭一個單位。