瀏覽人次 : 11301    回應 : 36
2017年10月11日
助高薪一族上車正確嗎?
 
蔡志忠
東區工商業聯會會長
港島工商團體聯盟會長 (2015-2016)

  本文見報之時,正是特首林鄭月娥宣布首份施政報告之日,作為地產界人士,自然較為關注房屋問題,相信施政報告對房策的主張會佔有很大的篇幅。而近期鬧得熱烘烘的「港人首置上車盤」,也將會是市場關注的焦點。

  首置上車盤的內容和條件已經揭盅,這個資助計劃會幫助在居屋與私樓之間的首置者買樓,而購買居屋的家庭入息上限大約為5.2萬元,為免政策重疊,首置上車盤單身人士的入息上限為3.4萬元,至於家庭入息上限為6.8萬元,初步選定安達臣道1千個單位為試點。

  這個入息水平屬於高收入一族,佔據全港最高入息的兩成人中,這些人是否迫切需要幫助,引起社會不少爭議。在剛過去週日的《城市論壇》,幾位學者和業界人士就相關的議題作出了激烈辯論。

是資源錯配 還是必須照顧?

  其中資深投資者湯文亮博士表示,高薪一族並非供不了樓而是首期不夠,政府應該放寬他們的按揭成數;前長遠房屋策略督導委員會成員關焯照認為,政府推出首置上車盤是資源錯配,更加需要興建的是公營房屋;而港大經濟金融學院助理講師阮穎嫻最為一針見血,她直指,究竟用700萬買300多呎樓宇的人士需要資助,還是居住在60至70呎劏房的人士更需要幫助?

  觀乎台上嘉賓和台下觀眾,大多數人都對首置上車盤提出質詢,認為用政府公帑來資助高薪人士買樓是不公義的事。唯獨土地供應專責小組成員劉振江為政府辯護,他指出每一個階層人士政府都應該照顧,他身邊就有不少專業人士埋怨高樓價,他們的入息雖高,但一樣買不起私樓,資助他們也是有必要的。

  坦白說,劉先生身為土地供應専責小組成員,面對幾位同枱演講者的質詢,顯然招架乏力,未能解釋清楚政府幫助高薪首置者買樓的理由。在這樣的論壇上,代表官方出席者必須非常熟悉房屋政策,而且要能言善辯,否則難以為政策護航。

  今日出台的港人首置上車盤,是否如大家預期的那樣,社會上又會有多少爭議,仍然有待觀察。筆者認為,照顧弱勢族群應放在首位,在劏房愈來愈嚴重,以及輪候公屋需時近5年的今天,撥出大量資源去幫助高薪一族上車買樓,難免還會引起更多社會不公、資源錯配的質疑!

我要回應
我的稱呼
回應 / 意見
驗証文字
 
登入ID 或 網名 密碼
1. 引刀一快 2017-10-11 16:12:58
肯定正確喇,一步一步嚟嘅,估計下一個資助對象就係收入20000-50000。

俾得起租嘅人唔使交租,俾唔起租嘅人就交少D租,係有作用嘅。
2. 武斷 2017-10-11 16:18:32
幫助高薪一族上車買樓是不公義行動,政府好像做錯咗,先幫劏房市民至啱!
3. 不滿者 2017-10-11 16:22:37
我支持蔡生所見解,政府今天資助6.8萬入息嘅人士買樓,他日7-8萬入息嘅人又話買唔起樓,是否又要政府資助?
4. Danny 2017-10-11 16:34:38
蔡生分析好準確,舉例也好貼切!

"其中資深投資者湯文亮博士表示,高薪一族並非供不了樓而是首期不夠,政府應該放寬他們的按揭成數;前長遠房屋策略督導委員會成員關焯照認為,政府推出首置上車盤是資源錯配,更加需要興建的是公營房屋;而港大經濟金融學院助理講師阮穎嫻最為一針見血,她直指,究竟用700萬買300多呎樓宇的人士需要資助,還是居住在60至70呎劏房的人士更需要幫助? "
5. 引力一快 2017-10-11 16:38:32
叫佢地買大灣區啦!
6. Johnny 2017-10-11 16:44:29
其實單人月入3.4萬真係好少,因為要計埋雙糧同bonus,各種公司allowance,實際上月均揾3.4萬既人既淨月工資可能系得2萬出頭。
7. 高薪係假嘅 2017-10-11 17:58:25
高薪一族都買不起300呎樓,地產黨竟然話樓市很健康,還應該暴漲。特首應該強硬對付地產黨,提供大量地皮,增加供應,大幅增加地皮閒置稅,超過年限沒收佢歸政府。睇下會唔會解決到房屋問題。
8. 向引刀‧土著‧自醉‧浪子‧阿井 說不 2017-10-11 19:47:29
嘩‧‧‧‧‧‧  港大經濟金融學院助理講師阮穎嫻一開口發言時,聲音真係優美動聽,繞樑三日,在腦海中反覆出現,樣貌更是甜美聲優,今介港姐唔該借過!
9. 睇開啲 2017-10-11 20:46:02


今日出台的港人首置上車盤,是否如大家預期的那樣,社會上又會有多少爭議,仍然有待觀察。筆者認為,照顧弱勢族群應放在首位,??????????

香港一直照顧弱勢族群多年, 導致香港成為弱勢族群滋生地, 現在新特首改為扶助優薪貴族也是合情合理的施政, 因為人是平等的, 香港過多弱勢族群福利乃是非福現象......做人不應該咁小氣量,大家睇開啲啦......




10. 真真薯片 2017-10-11 22:24:21
高薪人仕其實係長線支撐樓價既基石, 人數唔多, 但係2, 3萬既月租, 萬6, 7既樓價, 就係靠呢班人去支持

搶走一部份高薪客源, 對私樓市場既潛在影響可大可小, 所以你睇到地霸, 地代全部統一戰線一齊呱呱叫, 然後發動“窮人代表”出黎聲討, 勢要打殘首置盤, 因為首置盤其實掂到佢地既蜜糖 : 高薪供貴樓交貴租人仕

1000個當然完全冇影響, 但如果一年有5000個, 就開始有影響了, 最直接既影響係, 一年推幾多首置盤, 地霸一年賣少幾多個單位

睇黎政府不甘於跪地求地霸借地起樓, 想出呢招討價還價, 不過政府始終冇地, 霸拖落去時間企係地霸果邊, 客觀上仍然係地霸佔緊上風, 你唔問我借地? 好啊, 用自己地起囉, 睇你起到幾多
11. 荒謬 2017-10-11 22:34:36
劉振江為政府辯護,他指出每一個階層人士政府都應該照顧。

大把月入十萬以上的家庭也買不起樓,咁以後政府是否也要資助他們買豪宅?
12. 政治正確 2017-10-11 22:55:55
林鄭果然水平係高, 呢招係項莊舞劍!
13. 永恆化 2017-10-12 00:49:18



助高薪一族上車正確嗎?


 


助高薪一族上車當然正確!!!


 


拷鑼打鼓1000, 如何推動全部首置免地價全面化施政??? 全部首置免地價永久化???


全部首置免地價永恆化???


哈哈哈哈大笑!!!



14. 東成 2017-10-12 01:40:43
新政策私樓供應始終唔夠,勉強撥土地發展首置上車盤,都係緩衝之計,如何分配土地,根本好混亂,肯定政策失調.愈複雜嘅房屋政策愈亂,簡單才是好政策!
15. 另一市民 2017-10-12 01:43:40
加息樓價就會跌,經濟差樓價都會跌,樓價升得太高,到時樓價都係會跌,樓市係會自動循環,不必太多招數!
16. 望東樓 2017-10-12 08:55:08
非常同意薯片兄嘅睇法,呢班係私樓食物鏈嘅最低層。呢招叫釜底抽薪。
17. 整個樣 2017-10-12 13:19:42


在現代商業社會評論買樓觀感, 不論買樓/賣樓,所有人士都在打自己如意算盤, 沒有什麼對與錯, 更何況是推動免地價首次置產化, 此類施政不礙是出卓頭施政方法而已......是幸運大抽獎類別, 難以全面化主導主場動力......此是仿照居屋施政, 租者值其屋, 綠值居, 港人港地, 阿茂整餅冇個樣整個樣......

所以在此根本不需要恐嚇他人要賣樓, 也不需要強迫他人去買樓, 買樓是姜太公釣魚,願者上釣......



18. 冇個樣 2017-10-12 13:22:09

在現代商業社會評論買樓觀感, 不論買樓/賣樓,所有人士都在打自己如意算盤, 沒有什麼對與錯, 更何況是推動免地價首次置產化, 此類施政不礙是出卓頭施政方法而已......是幸運大抽獎類別, 難以全面化主導主場動力......此是仿照居屋施政, 租者置其屋, 綠置居, 港人港地, 阿茂整餅冇個樣整個樣......

所以在此根本不需要恐嚇他人要賣樓, 也不需要強迫他人去買樓, 買樓是姜太公釣魚,願者上釣......

19. 支持者 2017-10-12 13:37:34
好POINT.文章值得睇,有時間睇睇城市論壇段片,阮穎嫻的確講出重點,又靚女,香港有好多人才.
20. 阮穎嫻的重點 2017-10-12 14:38:40
21. 得啖笑 2017-10-12 16:01:44

撥出大量資源去幫助高薪一族上車買樓,難免還會引起更多社會不公、資源錯配的質疑" "難免還會引起更多社會不公"香港真的有公義!你地學人講公義!究竟用700萬買300多呎樓宇,這叫公義嗎? (單身人士的入息上限為3.4萬元,至於家庭入息上限為6.8萬元)他們份糧只可以供樓, 不需要養父母!

"入息上限為3.4萬元的人士,家庭入息上限為6.8萬元"他們對社會沒有供獻嗎?一定要他們用700萬買300多呎樓宇,先叫公道?究竟用700萬買300多呎樓宇,這叫公義嗎?如突然被炒,只可以跳樓死!!!

22. 真真薯片 2017-10-12 17:09:30
批評首置盤唔幫基層既人, 其實邏輯上有問題

呢班人主要話唔應該幫有錢人買樓, 應該留返比基層

作出呢個評論之前, 首先, 要問下正苦到底用咩地黎起首置盤先? 如果用左公屋居屋地起首置盤, 咁冇錯, 即係首置盤搶左公屋居屋地, 投訴係合理

如果正苦用私樓地皮起首置盤, 果塊地本身就用黎起私樓, 不過改成首置盤名義, 減價賣比有錢市民, 實際上, 根本就係普通私樓, 只係減左價, 即係正苦利用地契條款逼發展商起好私樓後要減價將部份樓賣比有錢中產, 咁樣會唔會影響到公屋居屋上樓呢? 答案係冇既, 因為公屋居屋既地冇變過都係咁多, 至於話有地起首置不如起公屋居屋幫基層, hey, 果塊地本來係起私樓嫁, 如果用黎起首置就唔岩, 應該用黎起公屋居屋, 咁本來用黎起私樓都唔岩啦, 咁窮人代表同地產界應該要求正苦直接將私樓地用黎起公屋居屋, 而唔係反對首置盤, 呢個係基本邏輯, 但竟然冇人指出, 同樣起首置盤, 比地霸著數價補農地地價黎起首置盤就冇問題, 用官地起就有問題, 地霸地代唔好扮同情基層啦, 講到尾其實都係一個字 : 錢
23. 古樸 2017-10-12 18:02:18
我支持阮穎嫻 嘅講法,入息高買得起樓者無須資助!
還有更需要幫助嘅基層市民!
24. 古樸 2017-10-12 20:10:43
聽呢個劉生講嘢似乎冇料到!

[坦白說,劉先生身為土地供應専責小組成員,面對幾位同枱演講者的質詢,顯然招架乏力,未能解釋清楚政府幫助高薪首置者買樓的理由。在這樣的論壇上,代表官方出席者必須非常熟悉房屋政策,而且要能言善辯,否則難以為政策護航。 ]
25. 港苦中產人 2017-10-13 11:04:24
22. 薯片兄真係睇得通透, 用本身係發展既私樓地起首置屋, 班人都嘈得咁厲害, 地代呀地代, 賺到錢就一朝得志, 賺少啲啲都鬧爆政府,出黎示威 ,今次就用低下階層做檔箭牌, 真係難聽啲講句, 不知所謂。"福利只可以留比低下階層", 對香港有份貢獻既中產, 就等住變中低產, 再變低產, 咁先可以享到政府福利, 又唔會比人鬧, 真係唔夠你地玩。
26. 正確的 2017-10-13 12:15:03


助高薪一族上車正確嗎?是正確的!!! 因為大市仍未出現大跌現象......


[中原城市領先指數] 未來二三年都將會在高水位運行, 高薪一族都是心急想購樓愛炫耀美麗之中產族群......點會唔想買樓有優惠呢???




27. 真真薯片 2017-10-13 12:39:42
調轉問

高薪一族唔比錢地霸地代賺正確嗎?
28. 被濫用 2017-10-13 14:45:53


高薪一族唔比錢地霸地代賺正確嗎?同樣是正確的!!!

推行房屋政策不適宜用正確或不正確一詞, 應該使用需要或不需要一詞, 在香港, 正確一詞被濫用咗......好多人意圖用正確一詞騎在別人頭上以示擁有高人一等的品格, 1997年董建華先生推出85,000個興建房屋政策, 是當時的政治需要, 並不代表是正確或不正確, 同樣2005年後曾蔭權先生推出救救負資產房屋施政政策, 也是是當時的政治需要, 並不代表是正確或不正確, 2003年因為香港1997年前工廠北移, 資金痿縮, 資金外流, 前景暗淡, 中央政府放出自由行讓北水南下, 投資移民購置香港無人願意購置的房地產和股票資產, 當買旺此類資產後, 梁振英先生又推出各項特別印花稅去制造社會歡呼聲, 港人港地, 首置免地價施政袛是延續此類政治歡呼聲, 並不代表是正確或不正確, 袛是現時的政治需要與不需要的問題......





29. 栩栩如生 2017-10-13 17:48:56
政策資助基層更多,例如緑置居及白居易,就係俾全人類買樓,人人上到車,香港皆大歡喜!

所以你話買樓,宜家樓價咁高,先至資助人買樓係唔係好事,真係唔知!
31. 哈哈 2017-10-15 00:16:13
解决貧富懸殊好過啦

有地用黎起哂公屋.租管,3D,極大空置稅,總之就要話俾所有香港人知房屋祇有一個地主就係政府!

32. 享受資 2017-10-15 12:32:02


行政長官林鄭月娥提出未來房屋政策以置業為主導,將綠置居恆常化、增加港人首置上車盤等。港大經濟及工商管理學院助理講師阮穎嫻表示,「首置樓」的入息上限不合理,以兩人家庭為例,兩夫妻月入6萬多元,輕易通過壓力測試。

她在本台節目《香港家書》中表示,政府將綠置居恆常化並不公平,若公屋用戶以綠表身分申請,既可以租住公屋,更可以透過計劃以低價置業,有機會享受資產升值。



33. 廉價出售 2017-10-15 12:43:09


現在香港正在推行一項廉價出售公共資產的不合常理的行為, 對所有投地買樓納稅人社群不公平......


【Now新聞台】行政長官林鄭月娥在施政報告提出以置業為主導的房屋政策,未來新建的公營房屋應以更多的「綠置居」取代出租公屋,明年底會將沙田火炭約4800個新公屋單位轉為「綠置居」出售,她又提出將「白居二」恆常化。

林鄭月娥在首份施政報告表明,她的房屋政策理念應該以置業為主導,房屋不是簡單的商品。

她指現時約75萬戶居於公屋,為縮短公屋輪候時間,同時會加大力度幫助比較有能力的公屋戶,回應他們的置業訴求,建議未來公營房屋以更多綠置居取代出租公屋。明年底會先將沙田火炭平房區約4800個新公屋單位轉為綠置居出售,預計2019至20年落成。

除了綠置居,政府亦建議將「白居二」計劃恆常化,連同未補價的「租者置其屋」計劃,預計可於二手巿場出售給白表人士單位共有38萬個。至於現有的居屋,消息稱仍以市價七折訂價,暫時未有意調整。



34. 走歪路 2017-10-15 13:01:43


執政者經常以高人一等的品格姿態當選, 居屋原意是要補地價才可以轉售, 符合政府施政基本道德理念, 所有免補地價的房屋政策都是私相收授行為, 走歪路.......



35. to:27真真 2017-10-16 00:47:09
真兄:高薪一族當然可以唔俾錢地霸地代賺,香港係自由嘅社會,冇人迫你買樓搵地霸地代,亦冇人叫你俾佢地賺錢賺佣金,如果你妄圖樓價升值賺錢,咁你應該多謝佢地至正確.
36. to:27真真 2017-10-16 00:57:52

真兄:如果高薪一族買咗樓,又升值賺咗錢,咁就做人風度一點,唔好下下揾地霸地代搵過橋攻擊.你唔鍾意就唔好幫襯佢地啦,講咁多冇意義.

好似立法會前議員李華明,以前搏命反地產霸權,宜家都面對現實入市買新樓,仲係買第二間添,貪圖甚麼呢?就係保值升值,大家唔好下下搵地霸地代出氣,咁樣輸打贏要,有失風度呀!

37. 東成 2017-10-17 01:18:48
林鄭房策起多啲資助房屋,等基層個個上到車,大家安居樂業,宜家公屋都有價,林鄭迫大家買樓,就係迫大家有身家!